2 Epilli 32:21 - Mawu a Mulluku

²¹ Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

2 Epilli 32:21 ပူးပေါင်းရင်းမြစ်များ

Masalimo 76:5

Mwahaakha okhotoni ddeko dda oollipa murima, nave mwahaakoniha ekhove, akhoto attheene mattiiwa yaafooka.

Mitteko 12:23

Enthawi yeeyo mungelo a Apwiya aamweeriha Herode wi avoriiweke kaambiiwa khaamutitimihalle Mulluku. Aakhuma miingu nave aakhwa.

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Yesaya 42:8

Mi tti Apwiya, nnddina naka tti nenno khaavo kinakawaneemina ntitimiho naka nginakawana ntitimiho naka ni mafano.

Yesaya 37:21

Vano Yesaya mwaana a Amozi aarumiha othenga wa Hezekiya wawi, Apwiya Mulluku a Israele enallota wi, “Ekaamba yawi waavekella wa miyaano dda Senakeribu mwene a o Asiriya,

Yesaya 36:9

Ethiyo ttuumupambana mwawiidde naari mmoddave a enduna dding'onong'ono dda pwiyaaka vawi onaaroromella Aiguputo wi yuuvahe magareta ni athu oowella va akavalo?

Yesaya 10:8

Olliye anallota wi, “Ethiyo oohoollellaaka attheene akhoto kheri wonanko mamwene?

Miyambo 16:18

Okota onnahoollella woonongeya nave wiitukhulla onnawiiha omora.

Miyambo 11:2

Vakhalla wiitukhulla vinnakhallattho owulliwa muru koma ezeru eri mwa awiiyeviha.

Masalimo 132:18

Adanaaye kineerewaawariha owulliwa muru, koma olliye aneerowarihiwa enduwira yoonyezimella.”

Masalimo 76:12

oyo anamalliha masiva a enduna oyo anawoopiha mamwene a va ellapo yavatthi.

Masalimo 76:7

Ddawoona, nyuwaano tti awoopiha, ttaani anaawore wiimella vamiitthoni vanyu mwasha murima?

Masalimo 18:50

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.”

Yobu 9:4

Mulluku tti eezeru ni amasiva, khaavo anaallipanena ni opambana.

2 Mamwene 19:20

Vano Yesaya mwaana a Amozi aarumiha othenga wa Hezekiya omulleella wi Apwiya Mulluku a Israele, ohiiwa nivekello naye noollota dda Senakeribu mwene a o Asiriya.

2 Samuele 24:16

Vano mungelo attaphurusalleeye mattaaye wi oononge muzinda wa Yerusalemu, Apwiya yaakhurumusa murima va ollakanko emulleella mungelwaaye oyo awoononga athoolle wi, “Wookwakhwana, hokollosa nnatta nawo.” Nave mungelo a Apwiya aari iimenlle va nipuro noomuuputhellavo tirigu na Arauna Muyebusi.

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

2 Epilli 32:20

Vano mwene Hezekiya ni namallotella Yesaya mwaana a Amozi yaavekella ekaamba ya yeella nave yaakhuwella oddullu.

2 Epilli 32:22

Apwiya yaamuvullusa Hezekiya ni athu yakhalla mu Yerusalemu m'mattani mwa adaniiwa attheene nave ahaavaha murendelle orive weko.

Masalimo 44:15

Nllapo nittheene kinnawulliwa muru, ekhovaaka yoomora ekaamba yeeyo,

Masalimo 76:6

Nyu Mulluku a Yakobo, mwaahumullullalleenyu attheene oowella va akavalo ni akavalwiiweene yaakhwa.

Yesaya 14:25

Kineerowoononga Aasiriya mu ellapwaaka nave kineerewaanyingallella va miyaango ddaka. Sika athwaaka kineerewaarulla nigoli* nno Aasiriya yaawarihalliiwa, katundu oollemella va mathuriiwa.

Yeremiya 21:2

“Khaweni wa Yeremiya mwamuveke wi anillotelle wa Apwiya vawi Nebukadinezara mwene a o Babiloni oonihella ekhoto. Apaalle Apwiya ttuuneerella ddoottikhiniha wi Nebukadinezara avenyewo owanihu wuno.”