2 Epilli 32:1 - Mawu a Mulluku

¹ Ddimanlle ddenndda ni mitteko dda eroromello, Senakeribu mwene a o Asiriya aahella ekhoto ellapo ya Yuda nave aatthipella misasa dda ekhoto waapheella mizinda ddamipanda oganiza wi ttuuddikumulla.

2 Epilli 32:1 ပူးပေါင်းရင်းမြစ်များ

Mika 2:13

Oyo anaphovolla esiri annahoollella nave attheene ennakhumella vaavo. Mweniiwa, Apwiya mwaneeniiwa, sika anaakhalle awaamba nave eneerewaahoollella.

Hoseya 11:5

“Koma aakhoota ohokollweella wa miyaano sika eneerohokollweella wuukaporoni o Iguputo nave Asiriya aneerokhalla mweniiwa.

Yesaya 36:1

Mu muyakha wa 14 wa omwene wa Hezekiya, mwene a o Yuda, Senakeribu, mwene a o Asiriya, aahella ekhoto mizinda ddittheddene ddamipanda dda o Yuda nave aaddaakha.

2 Mamwene 18:11

Mwene o Asiriya ahaaphara Aisraele ayaana o Asiriya wuukaporoni. Ahaahiya o muzinda wa Hala owaakattho vakhuviru ni muhinje wa Habori mu echigawo ya Gozani ni o mizindani dda Amedi.

2 Mamwene 17:6

M'muyakha waneetthanu ni sese wa omwene wa Hoseya, mwene a o Asiriya aamugonjiha Samariya nave ahaaphara Aisraele aayaana wuukaporoni o Asiriya. Ahaahiya athu amodda mu muzinda wa Hala, amodda vakhuviru ni muhinje wa Habori mu echigawo ya Gozani nave amoddattho mu mizindani dda Amedi.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

2 Epilli 32:2

Vano Hezekiya oonille wi Senakeribu aawa wi awane ekhoto ni Yerusalemu,

2 Mamwene 19:19

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya Mulluku.”

2 Epilli 35:20

Ddimanlle ddenndda, Yosiya akhozille musasa, Neko, mwene a o Iguputo aya wi awane ekhoto o Karikemishi, o muhinje wa Yufurate nave Yosiya aayattho wi awanena.

Yesaya 10:32

Ollello adanaayo eniimelle o Nobu, eneerotikha miwono ddiwa owoopopiha athu a o Ziyoni, mwaango wa Yerusalemu.

Yesaya 37:37

Vano Senakeribu mwene a o Asiriya aatimulla ahokollweella owaniwa aya akhalla o Nineve.