2 Epilli 31:5 - Mawu a Mulluku

⁵ Othenga wa mwene ollalleyiwe virive veko, Aisraele yaavelleella ddeko ddinchichi ddawaamba ohatiwa dda tirigu, vinyo, makhura enwi ni ddittheddene dda m'matani. Nave yaawaanattho ddaneekhumi ddawaata dda erive ello.

2 Epilli 31:5 ပူးပေါင်းရင်းမြစ်များ

Nehemiya 13:12

Nave Ayuda attheene yaawaana ddaneekhumi dda othu, dda vinyo ni dda makhura o ezipinda ddoosungellamo ddeko.

Miyambo 3:9

Waatitimiheke Apwiya ni eyuumaawo ettheene ni ddoohata ddawo ddawaamba.

Nehemiya 13:31

Nave kahoonesesa wi ekhuni dda mukutho ni ezipaso ddawaamba ddinnavelleelliwa mu enthawiiwa. Nyuwaano Mullukwaaka, kuupuwelleni ekaamba ya ddenndda.

Nehemiya 12:44

Nllapo nenno waatthoolliwa athu oolamulella ezipinda ddoosungellamo ddeko o enyumba ya Mulluku wonanko ddoovelleella, ezipaso ddawaamba ni ddaneekhumi. Athwaayo yaatthukumaniha ddoovelleella ovenyera mu emata ddawaapheella mizinda wi ekhalle echigawo ya allupa mukutho ni Alevi moollikana ni malamulo. Vawi Ayuda attheene yaahakallalla ni allupa mukutho ni Alevi yarumeyellaayo.

Eksodo 35:5

‘Muweekena ddoovelleella wa Apwiya. Sika arive muthu oyo anapaalla ovelleella ni murimaaye muttheene aweena ddeko wonanko golide, siliva, mukuwa,

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Yakobo 1:18

Moollikana ni opaalla waye mwaneena, aanivaha okumi oweella mwa mawaaye awoona wi hiyaano nikhalle wonanko ezipaso ddawaamba dda ddoophatusiwa ddaye.

1 Akorinto 15:20

Koma yawoona tti yawi Khrisitu oovenyihiwa wa ookhwa wi akhalle awaamba wa ayo enaavenyihiwe.

Numeri 18:12

“Kohuuvahani ddeko ddittheddene ddaphaama wunchichi ddawaamba ohata nnddo athu enavelleelliiwa wa miyaano monga makhura, vinyo ni tirigu.

Eksodo 34:26

“Muweekena ddeko ddaphaama wunchichi dda ddoohata ddanyu ddawaamba dda m'matani mwanyu, onipuroni na mallapello na Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Eksodo 23:19

“Oweekena ddeko ddaphaama wunchichi dda ddoohata ddawo ddawaamba dda m'matani mwawo, onipuroni na mallapello na Apwiya Mullukwaawo. “Ohaapeyeke enama ya musaana a epuri apaalle a enkhosa voopharihellani mutteko mukaka wa amennya.

Eksodo 22:29

“Ohisellihe ovelleella wa miyaano ddoovelleella ddoovenyera va ddinchichi dda ddoohata ddawo dda vinywaawo ni dda makhuraawo a olivi. “Waavelleellekettho wa miyaano anaawo aallopwana awaamba.

Aroma 8:23

Koma khe ddoophatusiwave ddiniipullella, hiyaanottho niri ni Munepooyo, emphaso yawaamba ya Mulluku ninniipullella m'murimani mwahu ninatiyereehu wi Mulluku aneere anaaye nave attaphulle omuthwaahu.

Levitiko 27:30

“Erive echigawo yaneekhumi ya mu ellapo, khaya tti mmiddo wa muthayani apaalle tti ezipaso ddammuteekhoni tti ya Apwiya. Yeeyo tti yoopatuleya ya wa Apwiya.

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Numeri 18:13

Mwa ddeko ddittheddene dda mwiillaponi mwawo, ezipaso ddawaamba wiithwa nnddo enavelleelliiwa wa Apwiya ddikhalle ddaanyu. Arive muthu oohiripihiwa mu nibanja nawo ttuucha.