2 Epilli 31:1 - Mawu a Mulluku

¹ Ddittheddene ddimanlle, Aisraele attheene yaphwanyeyevo yaaya o mizinda dda Yuda yaakumulla apoto oopatuleya, yinttaka mafano a Asherimu ni woononga mapuro oollapellamo mafano ni makuwa o ellapo ddittheddene dda Yuda, Benjamini, Efuremu ni Manase ophiyera yaadditthollosa ddittheddene. Vatulli viwa Aisraele attheene yaahokollweella o mizinda ddiwa, arive muthu owaniwa.

2 Epilli 31:1 ပူးပေါင်းရင်းမြစ်များ

2 Mamwene 18:4

Ahoononga mapuro oollapellamo mafano, ahaakumulla apoto oopatuleya, ahinttaka mafano a Asherimu. Nave aakotholla enowa ya mukuwa elle ayipangille Mose vawi Aisraele ennayoosella lubani* ophiyera ollello. Nnddina niwa naari Nehushitani.

2 Epilli 32:12

Ethiyo khe Hezekiya yoolla avenyihalle mapuro oollapellamo mafano ni makuwaaye nave aalamula athu a o Yuda ni Yerusalemu wi, “Mullapelleke va nikuwa nimodda ni ovelleella mikutho ddanyu vaavo?”

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

2 Epilli 23:17

Sika athu attheene a mu ellapweeyo yaaya o enyumba ya Baala eyikumulla. Yaakumulla makuwaaye ni mafanwaaye. Vatulli viwa yaamwiipha Matani mullupa mukutho a Baala vahoollo va makuwa. Vano mullupa mukutho Yehoyada ahaahiya alonda o enyumba ya Apwiya.

2 Epilli 14:3

Vano aavenyihawo makuwa mattheene eelleto ni woononga mapuro oollapellamo mafano nave aakumulla apoto oopatuleya ni winttaka mafano a Asherimu.

2 Mamwene 17:2

Sika aheera ddoonanara vamiitthoni va Apwiya komave oohillikana ni mamwene a o Israele ayo yalamulella olliye ahinavollowe omwene.

Deuteronomo 7:5

Koma munipuroni mwene mwakumulle makuwiiwa, moononge mallukwiiwa oopatuleya, mwapwaramwase mafanwiiwa a Asherimu nave mwawoose mafanwiiwa oosema.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Genesis 19:15

Ohinase, angelwaalle yaheeseesa omwaakuvihiha Loti nuumulleella wi, “Akuva! Omukuse mwaariyo ni anaawo aatthiyana eelli, mukhume oya otte wa muzinda wi muhoonongeye voollakiwani muzindoolla.”

Eksodo 34:13

Mwakumulle makuwiiwa, moononge mallukwiiwa oopatuleya nave mwakakathe mafanwiiwa a Asherimu.

2 Mamwene 18:22

Enduna ya o Asiriya yaavirellella ollota wi, “Apaalle okilleelle wi munaaroromella Apwiyaanyu. Ethiyo khe mulluku olle mapurwaaye oollapellamo mafano ni makuwaaye Hezekiya addoonongilleeye ni waalleella athu a o Yuda ni a o Yerusalemu wi ellapelleke va nikuwa nimoddave o Yerusalemu?

2 Epilli 33:3

Manase aamakattho mapuro oollapellamo mafano, ayo attiitthinnya Hezekiya yawoonongelliiwa. Aammakella Baala makuwa, aapanga mafano a Asherimu. Nave aanallapella ni orumeyella etheneeri.

2 Epilli 14:2

Nave Asa aheera ddaphaama ni ddoolungama vamiitthoni va Apwiya Mullukwaaye.

Yesaya 17:8

Nave kheroromella makuwa yaamakilliiwa weekhiiwa apaalle yaapotokosilliiwa ni mattiiwa naari mafanwiiwa a Asherimu apaalle makuwa awoosellavo lubani.*