2 Epilli 30:9 - Mawu a Mulluku

⁹ Mwaahokollweella wa Apwiya, abalaanyu ni aniinyu eneereweerelliwa echifundo ni ayo yaaphanre okaporo wawi eneerohokollweella o ellapwiiwa. Valle Apwiya Mullukwaanyu tti ooreera murima ni eechifundo nave kheyuureyani etulli mwaahokollweella wa alliwa.”

2 Epilli 30:9 ပူးပေါင်းရင်းမြစ်များ

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Masalimo 106:46

Apwiya yahoollowiha mirima dda adaniiwa attheene ayo yaaphanre athwiiwa okaporo.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

1 Mamwene 8:50

Mwaakhululukelle machimwiiwa mattheene ni wuuwukilani wiwa. Nave muweerihe wi adaniiwa eweerelleke echifundo.

Nehemiya 9:17

Yaakhoota wiiwellella nave kheyuupuwella ddoottikhiniha mweerilleenyu variyari viwa. Yahummiha mirima ddiwa nave yahiitthoollella owaahoollella wi ehokollweellettho wuukaporoni o Iguputo. Koma nyuwaano tti Mulluku ookhululukella, a murima waphaama, eechifundo, oohisha murima mwawaakuva, eechikondi yoohisintheya khemwaawaatathillalle.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yeremiya 18:17

Kineerewaapallallesa wonanko ephevo ya woovollowa nndduwa, eneerothawa voophiyani adaniiwa. Kineerewaareya etulli oohaakavihera va enthawi ya ddoohoosa ddiwa.”

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Nehemiya 9:31

Naari ddaari ddiiddo, ekaamba ya echifundwaanyu yuullupalli khemwaawoonongille apaalle waahiya vawi nyuwaano tti Mulluku aphaama ni eechifundo.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Deuteronomo 4:31

Vallethi Apwiya Mullukwaanyu tti Mulluku eechifundo sika wi kheyuutathillani apaalle owoonongani apaallettho otiwalla echipangano ya makhollwaanyu eyo allupenlleeye ni alliwa.

Deuteronomo 30:1

“Yuuphiyerani madaliso ni matembelelo kaaromollilleemaalla, muneerewuupuwella muri variyari va mitundu ddimodda nko Apwiya Mullukwaanyu yuupallalleselleewani.