2 Epilli 30:8 - Mawu a Mulluku

⁸ Vano muhummihe makohaanyu wonanko makhollwaanyu koma mwiivelleelle wa Apwiya nave muweeke o enyumbiiwa eyo eyeellihalliiwa wa enthawi yoohimalla. Nave mwaarumeyelle Apwiya Mullukwaanyu wi osha murima waye wawoopiha ovenyihiwe va nyu.

2 Epilli 30:8 ပူးပေါင်းရင်းမြစ်များ

2 Epilli 29:10

Vano kooganiza ddookeraatthiha echipangano ni Apwiya Mulluku a Israele wi osha murima wiwa ovenyevo va hi.

Eksodo 32:9

Nave Apwiya yaavirellella ollota wi, “Athu yaalla kinnaadduwella wi tti awumma murima.

Deuteronomo 10:16

Sika vano muphadde m'murimani mwanyu nave muhiye wumma murima.

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

Aroma 10:21

Koma dda athu Aisraele aallota wi, “Nllapo nittheene kaawaakhella ni mattaaka mattheene mutundu olla woohiiwellella ni woowukila.”

Aroma 6:22

Koma vano moottaphulliwa o machimo nave nyuwaano tti akaporo a Mulluku. Yoophuravwaanyu tti okumi waweella oyo onawuhoollelleni o okumi woohimalla.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Masalimo 78:49

Ahaamorihella munllo woowalli, ahaananariwella aashella murima, aamorihella mu ddookatamiha. Ddenndda ddaari wonanko mulloko wa angelo awoononga.

Masalimo 73:17

Ophiyera kivollowille nipuro aweella a Mulluku vaavo sika koonilleemi omalla wa athwaayo.

Masalimo 68:31

Mamwene eneeroowa ovenyera o Iguputo, a o Kushi eneerewaakuva omugonjella Mulluku, voowellihani mattiiwa wa olliye.

Masalimo 68:24

Nyu Mulluku, mulloko wa athwaanyu waweeta moolemu onnooneya, mulloko woomutitimiha Mullukwaaka, mwenaaka, woovollowa mu nipuro noopatuleya.

Masalimo 63:2

Vawi kinnapaalla woona masivaanyu ni ntitimiho nanyu wonanko mmo koonelleemi nipuro nanyu naweella.

Ezara 10:19

Alliwa yaalonjeza omwallana ni awariwa nave mukutho woopepesella machimwiiwa waari nankhoro a enkhosa.

2 Epilli 36:13

Zedekiya aamuwukilattho mwene Nebukadinezara oyo amullupellihalle vamiitthoni va Apwiya wi aneeromwiiwellella. Koma olliye ahummiha murimaaye ahirukunuwella wa Apwiya Mulluku a Israele.

2 Epilli 28:13

nave yahaalleella wi, “Khemwaaheye owaana wuno akaporwaayo vawi nyu munapaalla wi hi naachimwelle Apwiya waanjerera va machimwaahu ni va ddoolakwa ddahu. Vawi olakwa wahu tti wuullupalli nave osha murima wawoopiha wa Apwiya ori va Israele.”

2 Epilli 28:11

Vano ngakiiweni, mwaahokollose abalaanyu ayo mwaapharilleenyu okaporo vawi osha murima wawoopiha wa Apwiya ori va nyuwaano.”

1 Epilli 29:24

Oohoollella attheene, akhoto amasiva ni anamwani attheene a mwene Davide yaalonjeza omwiiwellella mwene Solomoni.

2 Mamwene 23:26

Komave Apwiya kheyaahiyalle osha murima nko wakhalla va Yuda vawi Manase ahaattatthamulla Apwiya.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Deuteronomo 6:17

Musungeke phaama malamulo ni malangizo mattheene yuulamulalleewanini.

Deuteronomo 6:13

Muwooveke Apwiya Mullukwaanyu ni waallapella yaayove nave mullupelleke mu nnddina niwave.

Ezara 10:14

Hankoni niwaakhullelle oohoollellaahu yiimellelle mulloko muttheene nave athu attheene a m'mapuronaahu ayo yaatthenlle atthiyana eelleto ewe mu enthawi nnddo nyuwaano munaalloteenyu. Nave ewe vamodda ni attekweene a nthato ni aweeruza a mapurwiiwa ophiyera woopiha wa osha murima wa Mullukwaahu va mwaha yoolla omalle.”

Yeremiya 50:15

Mukhuwelleni virive veko vawi oogonja nave mattatthaaye aamora, mipanda ddayettho ddohoonongeya. Nngu sika ohokollosella wa Apwiya. Sika muhokolloselleni ddoonanara moollikana ni mmo aweerelleeye amodda.

2 Epilli 6:5

‘Ovenyera nllapo nno kaakhumihalleemi Aisraele, athwaaka mu Iguputo, nguutthoonlle orive muzinda variyari va malloko mattheene a Aisraele wi mumakiwe enyumba yoollapellamo nnddina naka. Nave ngaamutthoollille muthu okhalla mwene owaalamulella Aisraele athwaaka.

2 Epilli 6:6

Koma vano kimutthoollille Yerusalemu okhalla nipuro nawi ekillapellekemo nave kimutthoollille Davide wi aalamulelle Aisraele athwaaka.’ ”

2 Epilli 7:16

Vawi vano kootthoolla ni opatula enyumbeella wi nnddina naka nititimihiwekemo wa enthawi yoohimalla. Miitthwaaka ni murimaaka ddinaakhalleke mwemmo enthawi ddittheddene.