2 Epilli 30:6 - Mawu a Mulluku

⁶ Vano amithenga yaaya o Israele otthewene ni o Yuda ni makalata oovenyera wa mwene ni enduna ddaye. Mwene aalamula wi, “Nyu athu a mu Israele, hokollweellani wa Apwiya Mulluku a Abrahamu, Isaki ni Yakobo wi alliwa ehokollweelle wa athu muhanlle, nyu mwavulluwalle m'mattani mwa mamwene a o Asiriya.

2 Epilli 30:6 ပူးပေါင်းရင်းမြစ်များ

Yeremiya 51:31

Amithenga ennarumihiwa moothwarana wi yamulleelle mwene a o Babiloni dda waakhiwa wa embali ddittheddene dda muzindaaye.

Yeremiya 4:1

Apwiya enallota wi, “Mwapaalla ohokollowa, nyu Aisraele, hokollweellani wa miyaano nave muvenyihevo mafanwaanyu vamiitthoni vaka nave muhiwe muhollowattho.

Estere 8:14

Sika moolamulelliwa ni mwene, amithengaalle yaawella va akavalwiiwa oothamaka wunchichi oorellelliwa munikhollani na mwene. Nave lamulonno yaanillalleya mu Susa, muzinda muullupalli.

2 Mamwene 15:29

Enthawi ya Peka mwene a o Israele, Tigilati Pilesere mwene a o Asiriya aagonjiha mizinda dda Iyoni, Abele Beti Maaka, Yanowa, Kedeshi, ni Hazori navettho ellapo dda Giliyadi, Galileya ni ellapo ettheene ya Nafutali. Nave ahaaphara athu attheene aayaana o Asiriya wuukaporoni.

2 Mamwene 15:19

Vatulli viwa Pulo mwene a o Asiriya aahella ekhoto ellapo ya Israele. Nave Menahemu aavelleella siliva oollemella makilogaramu 34,000 wa Pulo wi olliye amukavihere okeraatthiha omwenaaye.

Yobu 9:25

Mallapwaaka ennathamaka, ennathawa, khenoona erive yaphaama.

2 Epilli 28:20

Sika Tiligati Pilesere mwene a o Asiriya aawanana ekhoto nave yaamuhoosa wunchichi munipuroni moomullipiha.

1 Epilli 5:26

Sika Mulluku a Aisraele aamweeriha Pulo mwene a o Asiriya oyo nnddina naye nimodda naari Tigilati Pilesere wi aaphare Arubeni, Agadi navettho hafu a nlloko na Manase ni oyaana o Hala, Habori, Hara ni o muhinje wa Gozani nave anakhalla wenko ophiyera ollello.

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

Hoseya 14:1

Nyu Aisraele, hokollweellani wa Apwiya vawi mwaamora ekaamba ya machimwaanyu.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Maliro 5:21

Nyu Apwiya, nirukunusellenittho wa nyuwaano! Nirukunusellenittho wa nyuwaano wi nihokollweelle mwakhalle.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

Estere 3:13

Kalatooyo arumihiwe ni amithenga o ezigawo ddittheddene dda omwene wi ewoononge, owiipha ni waatthollosa Ayuda attheene, athu eesombwe ni awuulluvalla, atthiyana ni anamwaniine va nllapo nimodda, va nllapo na khumi ni naneeraru na mweeri wa Adara navettho wi emwaakhe katundwiiwa.

Yeremiya 29:1

Yeremiya aamurumiha kalata ovenyera o Yerusalemu oya wa oohoollella a wuukaporoni navettho allupa mukutho, anamallotella ni athu amodda attheene ayo Nebukadinezara aaphanreeye okaporo o Yerusalemu aayaana o Babiloni.

1 Mamwene 18:36

Ekwakhwanne enthawaaye yoovelleella mukutho, namallotella Eliya aasusella vakhuviru ni nikuwanno avekella wi, “Nyu Apwiya Mulluku a Abrahamu, Isaki ni Yakobo, ollello ddidduwanyeye wi nyu sika Mulluku mu ellapo ya Israele navettho wi mi tti oorumeyellaanyu ni wi kineera ddittheddenendda kaambiiwa mullotille tti nyuwaano.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

Yeremiya 3:14

“Nyu athu oohiroromelleya, hokollowani nyu athu oohiroromelleya vawi apwiinyu tti miyaano. Kineerewuuhokollosellani o Ziyoni, mmodda ovenyera o orive muzinda nave eelli ovenyera o orive nibanja.

Maliro 3:40

Hankoni niwoone ni oweesa makhallellwaahu nave nihokollweelle wa Apwiya.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Zekariya 1:3

Sika alleelle athu wi Apwiya Amasiva Mattheene eni hokollweellani wa miyaano nave kineerohokollweella wa nyuwaano.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.