2 Epilli 30:22 - Mawu a Mulluku

²² Vano Hezekiya aallota moowaallipiha murima Alevi attheene yaphanre mutteko wa Apwiya mweeruso. Sika athu yaacha va machellello wa mallapo matthanu ni meelli, ovelleella mikutho ddeeyaattano ni waathokoza Apwiya Mulluku a makhollwiiwa.

2 Epilli 30:22 ပူးပေါင်းရင်းမြစ်များ

Nehemiya 9:3

Nave athu attheene yahiimella va nipuro nimoddamoddave nenno wa maora mararu malamulo a Apwiya Mullukwiiwa yeerengiwiiwa nave wa maora mararu mamodda yaawulula machimwiiwa yaallapella Apwiya Mullukwiiwa.

2 Epilli 32:6

Vano ahaatthoolla oohoollella akhoto wi yaalamulelleke nave ahaatthukumaniha va nthato na mullako wa muzinda allota moowaallipiha murima wi,

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Hoseya 2:14

“Vano ngiiwani, kineeromukopa mutthiyanooyo wi kiyeena o echipululu, kamuhakallallihe ni mawu eechikondi.

Miyambo 8:6

Apellani maaru mawaaka aphaama wunchichi, ddittheddene kinalloteemi tti ddawoona.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Ezara 7:25

“Vano weyaano Ezara moollikana ni ezeru dda Mullukwaawo nnddo ddiri m'mattani mwawo, waatthoolle aweeruza oohiyanahiyana va athu attheene mu echigawo ya vakhopella va muhinje nave athweene oodduwella malamulo a Mullukwaawo. Vano athu ayo ehinaadduwella oneerekewaahuddiha.

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

2 Epilli 35:3

Vatulli viwa aallota ni Alevi ayo yaahuddiha Aisraele attheene nave yaari oopatuleya wa Apwiya wi, “Muhiye nibokosi naweella mu enyumba eyo Solomoni mwaana a Davide mwene a o Israele amakilleeye. Vano khemunireyakattho va mathuri vanyu. Arumeyelleni Apwiya Mullukwaanyu ni Aisraele athwiiwa.

2 Epilli 17:9

Yahuddiha o Yuda eri ni nibukhu na malamulo a Apwiya. Nave yaheetella mizinda ddittheddene dda o Yuda ehuddihaka variyari va athu.

2 Epilli 15:3

Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Ezara 8:18

Nave ekaamba yawi nnatta naphaama na Mullukwaahu naari va hiyaano, yaawaana muthu eezeru a mu nibanja na Mahili oyo aari Mulevi, Muisraele nnddina naye Sherebiya vamodda ni anaaye ni abalaaye nave attheene yaari allopwana 18.

Genesis 50:21

Vano nyuwaano muhikhupanye. Kineerewuuweherani phaama ni aniinyu.” Sika ahaasimikizella ni mawu ookhurumusa ni oollipiha murima.