2 Epilli 3:8 - Mawu a Mulluku

⁸ Aapanga nipuro naweellesesa, orekama wiwa woophwanaphwana ni oramballalla wa enyumbeeyo, mamita matthanu ni masese. Aahuruwella nipuronno ni golide aphaama mataani 20.

2 Epilli 3:8 ပူးပေါင်းရင်းမြစ်များ

Eksodo 26:33

Atthomeye ekatani vatthi va engowi ddoollundellellana ekuwo piilli nave ahiye nibokosi na echipanganonno muwari, ntthella na ekuwo. Ekataneeyo eneerohiyaniha nipuro naweella ni nipuro naweellesesa.

Aheberi 10:19

Asinnaka ni arokoraka, nikhame na Yesu ninanillipiha murima wi nineerovollowa mu nipuro naweellesesa.

Aheberi 9:9

Ella sika echisanzo ya enthawi ya muttano eyo enattaphullella wi mukutho wa enama wooheraatthiwa wa Mulluku, khonawora omurukunusa muthu ooheraatthooyo okhalla ni murima waphaama.

Aheberi 9:3

Otulli wa ekatani waakhalla echipinda yooromolliwa wi nipuro naweellesesa.

1 Mamwene 6:16

Vano aaphadda echipinda ni matabwa amukunguza yoorekama mamita matthanu ni masese muwari mwa enyumba, otulli wiwa ovenyera vatthi ophiyera opatthoni. Aayimaka wi ekhalle echipinda yamuwari, nipuro naweellesesa.

Ezekiele 41:4

Vatulli viwa aayilinga echipindeeyo aphwanya wi orekama ni okhuveya wiwa waari mamita khumi. Vano aakilleella wi, “Yeella sika echipinda yoopatuleyesesa.”