2 Epilli 28:6 - Mawu a Mulluku

⁶ Vawi Peka mwaana a Remaliya aawiipha athu 120,000 a o Yuda va nllapo nimodda, attheenaayo amasiva ni oollipa murima ekaamba yawi yahaahiya Apwiya Mulluku a makhollwiiwa.

2 Epilli 28:6 ပူးပေါင်းရင်းမြစ်များ

2 Mamwene 15:27

M'muyakha wa 52 wa omwene wa Azariya mwene a o Yuda, Peka mwaana a Remaliya aavollowa omwene wa o Israele o Samariya nave aalamulella miyakha 20.

Yesaya 9:21

Amanase ni Aefuremu enawana amoddamoddave navettho eellaalla vamodda enawana ni Yuda. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yeremiya 15:6

Mi mwaakihiya, munnavirellellave okireya etulli. Sika kahuullakani ni owoonongani ni muwonwaaka ekaamba yawi kaatopa ni okhululuka.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Yesaya 1:28

Koma oowukila ni oochimwa enaawoonongelle nimodda. Athu owaahiya Apwiya eneerotthollosiwa.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Epilli 13:17

Abiya ni athwaaye yahaagonjiha Aisraelaayo ewiipha akhoto amasiva 500,000.

2 Mamwene 16:5

Sika Rezini mwene a o Siriya ni Peka mwaana a Remaliya mwene a o Israele yaahella ekhoto mu Yerusalemu emwaapheella Ahazi ni ezida ddakhoto koma kheyaaworille omugonjiha.

2 Mamwene 15:37

Mallapo yaayo Apwiya yaamurumiha Rezini mwene a o Siriya ni Peka mwaana a mwene a o Israele wi yamuhelle ekhoto Yuda.

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Yoswa 23:16

Mwayitathilla echipangano eyo Apwiya yuulamulalliiwani, mwaayaaka nave mwaarumeyellaka milluku ddimodda ni oddikokhorella, osha murima wa Apwiya oneerewuumorellani nave muneerotthollowa mu ellapo yaphaama yuuvahilliiwaneella.”

Deuteronomo 32:20

Nave yaallota wi, ‘Kineerewaareya etulli, kineerewoona eyo enaamorelle vawi alliwa tti mbado wawoottha, tti anamwani oohiroromelleya.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Deuteronomo 28:15

Koma mwaahiwiiwellella Apwiya Mullukwaanyu nave mwaahithwara malamulo ni malangizwiiwa mattheene kinawinnyeemini ollellova muneerotembeleliwa.

2 Epilli 28:7

Nave Zikiri muthu amasiva a o Efuremu aamwiipha Maaseiya mwaana a mwene ni Azirikamu enduna ya o enyumba yoomwene navettho Elikana aneepiilli mu omwene.

Yesaya 7:1

Enthawi eyo Ahazi mwaana a Yotamu, edduullu ya Uziya, aariiye mwene a o Yuda, Rezini mwene a o Siriya ni Peka mwaana a Remaliya, mwene a o Israele, yaawa o Yerusalemu wi ehelle ekhoto muzindooyo koma kheyaawugonjihalle.

Ezekiele 16:57

onanara wawo ohinadduwanyeye. Vanothi munnaphwanaphwana vootthattuwani yoonyaambuseya wa a Edomu ni wa attheene owaatamanana navettho wa Afilisti ni oowaapheella attheenaayo ennuuvevulla.

2 Epilli 21:10

Sika Aedomu tti oowukila olamulello wa Yuda ophiyera ollello. Vano enthawi yeeyo muzinda wa Libina waawukilattho olamulellwaaye ekaamba yawi olliye ahaahiya Apwiya Mulluku a makhollwaaye.

Yobu 34:27

vawi yaahiya omuthwara, ohipwatha ettilla ddaye ddittheddene.

Masalimo 37:38

Koma athu oochimwa eneerowonongeya wunchichi, edduullu ddiwa ddineerotthollowa.

Yesaya 3:25

We Yerusalemu, aallopwana eneerewiiphiwa ni nsupada nave amasivaawo enaakhwelle okhotoni.