2 Epilli 26:8 - Mawu a Mulluku

⁸ Athu yaanakhoma musonkho wa Uziya nave aavuwa ophiyera omalireni a Iguputo vawi aari amasiva wunchichi.

2 Epilli 26:8 ပူးပေါင်းရင်းမြစ်များ

2 Epilli 17:11

Afilisti amodda yaawaana emphaso wa Yehoshafati ni siliva a musonkho. Nave Arabu yaawaanattho anankhoro a enkhosa 7,700 ni anankhoro a epuri 7,700.

2 Samuele 8:2

Davide ahaagonjihattho Amowabu. Ahaalamula wi ekonaatthi vatthi m'mizereni miraru orive mulloko. Nave orive mulloko aanawiipha athu ayo yaari m'mizereni miilli ddawaamba anaahiya athu a muzere waneeraru. Sika Amowabu attheene yaakhalla akaporo a Davide nave yahaamba okhoma musonkho wa olliye.

Genesis 19:38

Mwaana mung'onong'onooyo olliyettho aamuyara mwaana aamullopwana, aamuvaha nnddina nawi Benami. Olliyooyo sika nikhollo na Aamoni.

Mateyu 4:24

Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

2 Epilli 20:1

Vatulli viwa Amowabu, Aamoni ni Ameuni amodda yaawa wi ewane ekhoto ni Yehoshafati.

1 Mamwene 4:31

Olliye aakhalla ni ezeru waakhwaranya athu attheene, omukhwaranya naari Etani a o Ezara, omukhwaranyattho Hemani, Kalikoli ni Darida anamwani a Maholi. Nave epillaaye yaavuwa mu ellapo ddittheddene ddawaapheella.

2 Samuele 8:13

Epilli ya Davide yaavuwa virive veko ahokolloweeye woowiipha Aedomu 18,000 o ntapo na Mwiinyu.

1 Samuele 11:1

Viviralle mweeri mmodda, Nahashi mwene Aamoni ahaakusa akhotwaaye aya aapheella muzinda wa Yabeshi echigawo ya Giliyadi. Vano athu attheene a m'muzindani wa Yabeshi yaamuveka Nahashooyo wi, “Hankoni nipangane nave hiyaano nineerekewuurumeyellani.”

Deuteronomo 2:19

Nave mwaphiya vakhuviru ni ellapo ya Aamoni, edduullu dda Loti, muhaahoose apaalle owanana ekhoto vawi alliwaalla kohaavaha ellapwiiweeyo nave nguuvahani naari vang'ono.’

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

2 Epilli 26:9

Aamaka mattattha mu Yerusalemu o mullako wa Vakona, mullako wa Ntapo ni va Ekona nave aaddillipiha.

1 Epilli 14:17

Ovuwa wa nnddina na Davide waamwareyella mu ellapo ddittheddene nave Apwiya yaaweeriha athu a mitundu ddittheddene wi emooveke.

2 Epilli 27:5

Aawana ni mwene Aamoni nave ahaagonjiha. Nave muyakha yooyo Aamoni yaamuvaha makobiri 100 a siliva, mataani 10,000 a tirigu ni mataani 10,000 a barele. Yahaakullella weera ddenndda wa muyakha waneepiilli ni waneeraru.