2 Epilli 26:5 - Mawu a Mulluku

⁵ Ahiivelleella wa Mulluku m'mallapo a Zekariya oyo amulangiza ddawaatitimiha Apwiya. Vawi aanaallapella Apwiya Mulluku, yaanamudalisa.

2 Epilli 26:5 ပူးပေါင်းရင်းမြစ်များ

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Epilli 24:2

Vano Yowashi aheera ddoolungama vamiitthoni va Apwiya mallapo mattheene a okumaaye ekaamba yawi Yehoyada, mullupa mukutho aanamulangiza.

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Daniele 10:1

Muyakha waneeraru wa mwene Kirusi a o Persiya, Daniele oyo aromolliwa Beliteshazara ahiiwa mawu a othenga wawoona oollota dda ekhoto yuullupalli. Daniele ahiiwesesa othengooyo oonilleeye ddeko m'masomphenya.

Daniele 2:19

Vano yawiipittheyeeyo yahuupullullelliwa wa Daniele mu masomphenya a mahiiyu. Sika Daniele aamutitimiha Mulluku ooddullu.

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

2 Epilli 25:8

Koma mwaaganizaka wi muneerokhalla ni masiva eekhoto, Mulluku aneerewuugonjihani vamiitthoni va adani vawi Mulluku ookhalla ni masiva ookavihera ni oogonjiha.”

Genesis 41:15

Nave Farao aamulleella Yosefe wi, “Miyaano kaalloha koma khaavo naari mmodda oyo oowora ottaphullella ddoollohannddo. Vano kohiiwa wi weyaano walleelliwa ddoolloha, eniwa onnadduwella ottaphullella wene.”

Hoseya 6:4

Koma Apwiya enallota wi, ‘Nyu Aefuremu, kiweereni tini? Nave nyu Ayuda, kiweereni tini? Echikondaanyu ennathiima wonanko ethapo yoohinase, tti wonanko nikame noohillekella wumma.

1 Epilli 22:11

Davide aavirellella ollota wi, “Vano mwanaka, Apwiya Mullukwaawo akhalle ni weyaano wi okwakhwanihe omaka enyumbiiwa moollikana ni mmo yallotelliiwa.

Oweeruza 2:7

Athwaayo yaanaarumeyella Apwiya enthawi ettheene Yoswa aariiye mukumi nave athu yaavirellella waarumeyella Apwiya enthawi ya oohoollella akhwille Yoswa ayo yaari yoonille mitteko dduullupalli nnddo Apwiya yaweerelliiwa Aisraele.

Genesis 41:38

Sika Farao aakoha enduna ddayennddo wi, “Ethiyo ninamphwanye wuuwi muthu mmodda oomukhwaranya olla ari ni munepa wa Mulluku?”

Mitteko 20:30

Nave athu amodda oovenyera mwa mullokwaanyu yoolla, eneerowoottottha ookhulupilila ni waahoollella wi ehiye mpingo nave yaathwareke alliwaayo.

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

2 Mamwene 15:34

Yotamu aheera ddoolungama vamiitthoni va Apwiya moollikana ni mmo eerella Uziya attiitthinnya.

2 Epilli 26:4

Nave aheera ddoolungama vamiitthoni va Apwiya wonanko mmo yeerella attiitthinnya Amaziya.

2 Epilli 27:6

Sika Yotamu aakhalla amasiva ekaamba yawi aaniivelleella ni murimaaye muttheene vamiitthoni va Apwiya Mullukwaaye.

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Yoswa 1:8

Weerengeke nibukhu namalamulonna nave otthaana ni mahiiyu opwatheke ddoolembiwa mwemmo wi oddisunge ddittheddene. Vano waaweeraka ddiiddo oneerokhalla phaama nave oneeropambana.

2 Epilli 14:6

Aamaka mizinda ddamipanda mu Yuda vawi ellapweeyo yaari mwamurendelle. Miyakha ddennddo mwiillaponimmo khamwaari ekhoto vawi Apwiya yaamuvaha murendelle.

2 Epilli 29:1

Hezekiya ahaamba olamulella ari ni miyakha 25 nave aalamulella miyakha 29 o Yerusalemu. Amennya yaari Abiya mwaana a Zekariya.

2 Epilli 32:30

Olliye sika atiyalle engalande ya omwaako ya maaddi a o Gihoni nave aahapusella wi eyeeke o embali ya woovollowa nndduwa wa muzinda wa Davide. Nave aanaphara phaama mitteko ddaye ddittheddene.