2 Epilli 26:18 - Mawu a Mulluku

¹⁸ Vano allupa mukuthwaayo yaamuhiyiha mwene Uziya emulleella wi, “Pepaani amwene Uziya, nyuwaano khemunaphwanella woosa lubani wa Apwiya koma allupa mukutho, edduullu dda Aroni ayo epatuliwe wi yooseke lubani. Khumani mu nipuro naweellanna vawi khamuwiiwellelle Apwiya nave kheyuuriihani.”

2 Epilli 26:18 ပူးပေါင်းရင်းမြစ်များ

Numeri 18:7

Vano weyaano ni anaawo murumeyelleke va mutteko wa mukutho, mitteko ddittheddene dda vanikuwani ni va mitteko ddittheddene dda nipuro naweellesesa. Kohuuvaha omullupa mukutho wi ekhalle emphaswaawo. Koma arive muthu anaatamellevo aneerewiiphiwa.”

Aheberi 5:4

Khaavo aniivaha olemu yeekhaaye vawiitthoollani wi akhalle mullupa mukutho muullupalli. Koma Mulluku sika anamutthoolla mullupa mukutho, wonanko mmo amutthoollelleeye Aroni.

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

Yakobo 2:1

Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Agalatiya 2:11

Nave Petro aphiyalleeye o Antiyokeya,* kaamuvaanya vamiitthoni va athu kaambiiwa eerilleeye kheyaari yaphaama.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

1 Akorinto 5:5

Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Mateyu 14:4

Vawi Yohane aanamulleella Herode wi, “Khaddinaakhullelliwa ni malamulwaahu vawi weyaano woomutthella mwaara a mwanamunno olliyooyo ahinakhwe.”

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.

Numeri 3:10

Omutthoolle Aroni ni anaaye wi ekhalle allupa mukutho. Koma arive muthu anaawaatamelle musasa wamutthukumano iiphiwe.”

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

2 Epilli 30:7

Muhikhalle wonanko makhollwaanyu ni abalaanyu ayo yaari oohiroromelleya wa Apwiya Mulluku a makhollwiiwa ayo yaatthattusalle ello yawoopiha monga munoonellaanyummu.