2 Epilli 25:8 - Mawu a Mulluku

⁸ Koma mwaaganizaka wi muneerokhalla ni masiva eekhoto, Mulluku aneerewuugonjihani vamiitthoni va adani vawi Mulluku ookhalla ni masiva ookavihera ni oogonjiha.”

2 Epilli 25:8 ပူးပေါင်းရင်းမြစ်များ

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

2 Epilli 20:6

nave aallota wi, “Nyu Apwiya Mulluku a makhollwaahu, ethiyo khemuhiyo Mulluku oyo ari oddullu? Ethiyo khemuhiyo nyu munalamulella moomwene mattheene? M'mattani mwanyu mookhalla masiva ni ottekweene, sika wi khaavo muthu anaawore ollipana ni nyu.

Afilipi 4:19

Oyeella mwa Khrisitu Yesu Mullukwaaka aneerewuuvahani ddoopaalla ddanyu ddittheddene ovenyera mu eyuumaaye yawaata.

Hagai 2:8

Siliva muttheene tti aaka, golide muttheene tti aaka.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

Miyambo 10:22

Madaliso a Apwiya ennavaha eyuuma, khenoonjereravo ethakaraka.

Masalimo 62:11

Mulluku allotille omodda miyaano kiiwalle ddeko piilli ddawi, masiva tti a Mulluku.

Masalimo 33:16

Mwene khanavulluwa ekaamba ya wunnuwa wamullokwaaye wakhoto, akhoto khenavulluwa ekaamba ya waata wa masiva.

Masalimo 33:10

Apwiya ennatthattusa ddoohikhalla ni mutteko, ddoolinga dda athu a mitundu, maganizwiiwa mattheene ennaatthattusa oohikhalla ni mphuro.

Masalimo 24:1

Ellapo yavatthi ni ddittheddene ddiri mwemmo tti dda Apwiya, ellapo yavatthi ni athu ookhalla mwemmo tti ayiwa.

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Yobu 9:13

Mulluku khanahokollosa owallaaye, annawoononga ayo enamukavihera Rahabu.

Yobu 5:18

Vawi annaphoriiha navettho annamaka makhwata. Annuukutha navettho mattaaye ennachiriha.

2 Epilli 18:14

Vano aphiyalle wa amwene yaamulleella wi, “Mikaya, ethiyo hiyaano nawane ekhoto o Ramoti Giliyadi apaalle kihiyeewo?” Olliye ahaakhulla wi, “Khaweni, muneeropambana, athwaayo eneerovelleelliwa wa nyuwaano.”

2 Epilli 1:12

Ezeru ni odduwella kineerewuuvaha. Kineerewuuvahattho eyuuma, katundu ni olemu omukhwaranya arive mwene we ohinakhallewo apaalle muhoollo mwawo.”

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

Oweeruza 7:7

Sika Apwiya yaamulleella Gideoni wi, “Kineerewuuvullusani ni athu 300 yaallave ayo yawiryalle moonyangulla maaddaalle. Vano kineerewaavelleella m'mattani mwawo Amidiyani. Koma amodda attheenaayo eroweke owaniwa.”

Deuteronomo 8:18

Muupuwelleke nave muhaatiwalle Apwiya Mullukwaanyu wi sika enuuvahani masiva ookhallella ni eyuuma wi yoonihe ororomelleya wiwa ophiyera ollello va echipanganwiiwa eyo yallupenlliiwa ni makhollwaanyu.

Mateyu 26:45

Vatulli viwa Yesu aahokollweella wa oohudderaaye allota wi, “Munimakona ni wiithuuwa? Enthawi yookwakhwana yawi mi, Mwaana a Muthu, kivelleelliwe wa athu oochimwa.

2 Epilli 26:7

Mulluku aamukavihera voowanani ni Afilisti, Aarabu ayo yakhalla o Guribaala ni Ameuni.

Masalimo 89:43

Ddawoona, mootturiha nsupada naye, khamwaamullipihalle vakhotoni.