2 Epilli 25:16 - Mawu a Mulluku

¹⁶ Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

2 Epilli 25:16 ပူးပေါင်းရင်းမြစ်များ

Yawuupullulla 11:10

Athu a va ellapo yavatthi eneerohakallalla ekaamba ya okhwa wa amboni eellaalla. Eneereweera ehakallallo ni orumihellana emphaso kaambiiwa anamallotella eellaayo yaanaahoosa athu a va ellapo yavatthi.

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

Aefeso 1:11

Ddeko ddittheddene ddineereya moollikana ni yoolinga ni opaalla wa Mulluku. Nave mulluku aanitthoolla hiyaano wi nikhalle athwaaye mu eyaattano ya Khrisitu ekaamba ya yoolingaaye moollikana ni eyo aaganizalleeye ovenyera vawaamba.

Aroma 9:22

Ella enaphwanaphwana ni nnddo Mulluku eerilleeye. Apaalla wi oonihe osha murima waye vamodda ni masivaaye. Nave aavillella ni waalleva wunchichi athu ayo yaamushihalle murima, oophwanella woonongiwa.

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Yeremiya 29:26

“Apwiya yahuutthoolla we Zefaniya wi okhalle mullupa mukutho munipuroni mwa Yehoyada. Ohuukeraatthiha wi okhalle kapitawo oowehera enyumba ya Apwiya. Omuhiyeke mundende ni ommakellella namang'ona arive muthu aanepa anaddeesa wi tti namallotella.

Yesaya 46:10

Khalle kaavallallella ollota ddeko nnddo ddihineereye, kahuupullulla khalleve nnddo ddaari ddihinooneye. Kaallota wi, ‘Maganizwaaka khelephela, kineereweera ddoopaalla ddaka ddittheddene.’

2 Epilli 24:21

Koma yaamweerella echiwembu nave mwene aalamula wi avokhiwe malluku mu nthato na enyumba ya Apwiya.

2 Epilli 18:25

Vano Ahabu, mwene a o Israele aallota wi, “Muphareni Mikaya mumuyeena wa Amoni, muullupalli a muzinda ni wa Yowashi mwaana a mwene.

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

1 Samuele 2:25

Muthu amulakwella mukhwaaye Apwiya ttuuwaattaniha koma waachimwella Apwiya anaawaattaniheni ttaani?” Koma anamwanaayo kheyaawiwelleelle attiitthiiwaayo vawi waari opaalla wa Apwiya wi anamwanaayo yiiphiwe.

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

2 Epilli 10:15

Sika mwene khaakhullenlle oveka wa athwaalle vawi Apwiya sika yakhozille khalle wi ddeereye nnddo yallotilliiwa ni Yerobowamu mwaana a Nebati oweella mwa namallotella Ahiya Mushilo.

2 Epilli 25:15

Sika Apwiya yaamushella murima Amaziya emurumihella namallotella oyo amukohille wi, “Kaambiiwa tini otthoollilleewe milluku nnddo ddahiworille owoopolla athwiiwa m'mattani mwanyu?”

2 Epilli 25:17

Vano Amaziya mwene a o Yuda ahiiwellella malangizo nave ahaaruma amithenga wa Yowashi, mwaana a Yehowahazi, mwaana a Yehu, mwene a o Israele yallota moomullika wi, “Owe noonane vamiitthoni ni vamiitthoni.”

Yeremiya 27:15

Khe miyaano kaarumalle naari ellotellaka mu nnddina naka. Sika kineerowiikarani nave muneerewoonongeya nyuwaano ni anamallotellaanyu.”

Yeremiya 43:4

Sika Yohanani mwaana a Kareya, oohoollella attheene a akhoto ni athu attheene a o Yuda yaakhoota owiiwellella Apwiya nave kheyaakhanlle o Yuda.

Ezekiele 33:4

Mmodda iiwa nipallapatanno koma ahinapwathawo nave adani yawa emwiipha, nikhame ninaakhalle va muru vaye.

Eksodo 10:28

Vano Farao aamulleella Mose wi, “Kivenyerevo! Chenjera nave ohiphiyettho vamiitthoni vaka vawi nllapo nno kineereemi kiwoone kinimawiipha.”

2 Epilli 24:20

Vano munepa wa Mulluku waavollowa mwa Zekariya mwaana a Yehoyada mullupa mukutho. Olliye ahiimella variyari va athu allota wi, “Apwiya enakoha wi, ‘Ethiyo kaambiiwa tini muhiniiwellelleenyu malamulo a mi Apwiya? Khaddiweetellani phaama. Ekaamba yawi mohaahiya Apwiya, alliwattho ahuuhiyani.’ ”

Miyambo 1:29

vawi mwahiita ezeru nave khemwaatthoonlle owoova Apwiya.

Miyambo 1:30

Khemwaapaallille malangizwaaka nave khemwaakaapenlle maaru kuuchenjezeemini.

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”