2 Epilli 24:7 - Mawu a Mulluku

⁷ Vawi anamwani a Ataliya mutthiyana oonanaroolle, yahoononga enyumba ya Mulluku yaakha ddeko ddittheddene ddoopatuleya eya yaddiphariha mutteko voomullapellani Baala.

2 Epilli 24:7 ပူးပေါင်းရင်းမြစ်များ

2 Epilli 21:17

Vano alliwa yaallipana ni athu a o Yuda nave yahaakha ddeko ddittheddene dda mwene nnddo yaddiphwanyilliiwa vamoddattho ni anaaye aallopwana ni awariye mwawi khaarivo naari mwaana mmodda aamullopwana ahanlle ohiri Ahaziya ethwakwaaye.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Miyambo 10:7

Oolungama annadala vawuupuwelliwani koma nnddina na oonanara nineerewunta.

Estere 7:6

Estere ahaakhulla wi, “Oonihoosa ni mudanihu, Hamani oonanara murimoolla!” Vaavo Hamani ahoova wunchichi vamiitthoni va mwene ni mwaaramwene.

2 Mamwene 12:4

Enthawi emodda, mwene Yowashi allupa mukutho wi, “Musunge phaama ddene makobiri mattheene ayo enavelleelliiwa wonanko ddoovelleella ddoopatuleya o enyumba ya Apwiya, sika wi makobiri a musonkho wa arive muthu komattho makobiri ayo muthu anavelleelleeye moopaalla mwaye o enyumba ya Apwiya.

Oweeruza 2:11

Aisraele yaheera ddoonanara vamiitthoni va Apwiya nave yaanarumeyella milluku dda Baala.

2 Epilli 24:4

Vatulli viwa Yowashi aaganiza ddoopotokosa enyumba ya Apwiya.

2 Mamwene 11:1

Ataliya amennya a Ahaziya oonille wi mwanaye ookhwa, aatimulla awoononga athu attheene a va nibanja noomwene.

2 Epilli 22:3

Olliye aathwara echisanzo ya nibanja na Ahabu wawi amennya sika yamuvaha malangizo aweera ddoonanara.

Hoseya 2:10

Vano kineerewoonihella vaweella epwillimwinddaaye wa ezibwenzi ddaye nave khaavo naari mmodda anaamwaakihere m'mattani mwaka.