2 Epilli 24:21 - Mawu a Mulluku

²¹ Koma yaamweerella echiwembu nave mwene aalamula wi avokhiwe malluku mu nthato na enyumba ya Apwiya.

2 Epilli 24:21 ပူးပေါင်းရင်းမြစ်များ

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Mateyu 21:35

Oollimaayo yahaaphara allupa muttekwaayaayo, emuukutha mmodda, emwiipha mmodda navettho yaamwiipha mmodda voomuvokhani malluku.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Aheberi 11:37

Amodda yahiiphiwa voovokhiwani malluku, amodda yaaphaddiwa variyari, amodda yahiiphiwa ni masupada. Amodda kheyaarina ddoowara ddaphaama koma yawara mattapara a enkhosa ni a epuri. Yaari oohoowa, oorama murendelle nave oohambulliwa.

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

Yeremiya 20:2

Vano Pashuri aalamula wi athu emuukuthe Yeremiya nave emuhiye mundendeni Mullako Wavaddullu wa Benjamini o enyumba ya Apwiya.

Yeremiya 26:2

“Khawe wiimelle mu nthato na enyumba ya Apwiya nave wallote wa athu attheene ookhalla m'mizindani dda o Yuda ayo enallapella onyumbani ddittheddene nnddo kuulamunleemi wi wallote oohihiyavo ello.

Yeremiya 26:21

Mwene Yehoyakimu ni oohoollellaaye attheene navettho akhotwaaye yiiwalle allotilleeyennddo yapaalla omwiipha. Uriya iiwalleeye ahoova nave aathawella o Iguputo.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Masalimo 94:21

Aatthukumanella okumi wa oolungama, enakamulla wi oohikhalla ni mullatu yiiphiwe.

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,