2 Epilli 24:15 - Mawu a Mulluku

¹⁵ Yehoyada ahuulluvalla, mallapo a okumaaye yahaata nave akhwille ari ni miyakha 130.

2 Epilli 24:15 ပူးပေါင်းရင်းမြစ်များ

Masalimo 91:16

Kineeromuvaha okumi woorekama, kineeromooniha ovullusa waka.

Masalimo 90:10

Miyakha dda okumaahu tti 70, nakhalla amasiva ttuukwakhwana 80. Koma miyakhannddo tti dda okhupanya ni okatamihiwa, ddinnamalla mwawaakuva, hiyaano ninarowa.

Yobu 5:26

Onaavollowe mu mahame wuulluvallesese, wonanko tirigu oohatiwa va enthawaaye.

1 Epilli 23:1

Davide uulluvanlle aamukeraatthiha mwanaye Solomoni okhalla mwene a Israele.

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

Genesis 25:8

Nave akhwille mwamurendelle navettho uulluvallille wunchichi.

Genesis 15:15

Vano weyaano oneerokhalla ni okumi enthawi yoorekama nave oneerokhwa mwamurendelle. Oneerovitthiwa mu mahame wuulluvanllesese.

2 Epilli 24:14

Emallihalle, yaawaana makobiri oohalla wa mwene ni Yehoyada ayo yaapangenlliiwa eziwiya dda o enyumba ya Apwiya navettho dda mukutho wooshellelliha. Nave yaapangattho embale ddagolide ni ddasiliva. Vano yaavirellella owaana mikutho ddooshellelliha o enyumba ya Apwiya mu enthawi ya Yehoyada.

2 Epilli 24:16

Avitthiwe mu muzinda wa Davide vamodda ni mamwene ekaamba yawi aheera ddaphaama mu Israele nave aanamurumeyella Mulluku mu enyumbaaye.

2 Epilli 24:3

Yehoyada aamutthoollella mwenooyo atthiyana eelli okhalla awariye nave yahaayara anamwani aallopwana ni aatthiyana.