2 Epilli 23:3 - Mawu a Mulluku

³ Nave mutthukumano muttheene waakeraatthiha echipangano ni mwene mu enyumba ya Mulluku. Vano Yehoyada ahaalleella wi, “Ngamooneni mwaana a amwene! Muhiyeni alamulelle moollikana ni mmo Apwiya yallotilliiwa dda anamwani a Davide.

2 Epilli 23:3 ပူးပေါင်းရင်းမြစ်များ

2 Epilli 21:7

Komave Apwiya kheyaapanlle omoononga Yuda ekaamba ya echipangano ni Davide oorumeyelliiwa vawi Apwiya yaalonjeza wi eneeromwinnya Davide omwene woohimalla.

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

2 Samuele 7:12

Mallapwaawo yakwakhwana wi okhwe, kineeromutthoolla mmodda a anaawo wi akhalle mwene nave kineerokeraatthiha omwenaaye.

2 Epilli 7:18

vaavo kineerokeraatthiha mpandwaawo woomwene wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaalamulelleke Israele.’

2 Mamwene 11:17

Yehoyada aakeraatthiha echipangano variyari va Apwiya ni mwene ni athu wi alliwa ekhalle athu a Apwiya. Aakeraatthihattho echipangano variyari va athu ni mwene.

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

Masalimo 89:36

Edduullu ddaye khaddimalla wa enthawi yoohimalla, mpandwaaye woomwene oneerokhallawo enthawi ettheene wonanko nndduwa vamiitthoni vaka.

Masalimo 89:29

Kineerokeraatthiha edduullu ddaye wa enthawi yoohimalla, mpandwaaye woomwene wonanko mallapo ooddullu.

2 Epilli 23:16

Vano Yehoyada aakeraatthiha echipangano variyari vaye ni athu attheene ni mwene wi ekhalle athu a Apwiya.

1 Epilli 11:3

Sika oohoollella attheene a Aisraele yaawa o Hebroni o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele moollikana ni mawu a Apwiya yallotiwe ni Samuele.

1 Mamwene 9:5

vaavo kineerokeraatthiha mpandwaawo woomwene wowaalamulella Aisraele wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaakhalleke va mpando woomwene nave analamulella Israele.’

2 Samuele 7:16

Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

2 Samuele 5:3

Sika oohoollella attheene a Aisraele yaawa o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele.