2 Epilli 23:13 - Mawu a Mulluku

¹³ Awehille, aamoona mwene iimenlle vanttatthani naye moothwara mutetho wa omwene, oohoollella ni athu awiipa mapallapata emwaaphenlle. Athu attheene a mu echigawommo yaanahakallalla yiipaka machipo ni ezida ddiwa. Sika Ataliya ahaahulla ddoowara ddaye nave mookhuwa ni moosha murima aallota wi, “Owukila! Owukila!”

2 Epilli 23:13 ပူးပေါင်းရင်းမြစ်များ

Oollalleya 9:12

Muthu khanadduwella enthawaaye. Monga mmo ehomba enakolelliwiiwa munthavini, epallame enakolelliwiiwa m'musamphani, tti emoddamoddave yeeyottho athu ekoliwe m'musamphani va enthawi yoonanara, otulli waamorella moorurumusa.

Miyambo 29:2

Athu oolungama yakhalla vampandoni athu ennahakallalla koma oonanara aalamulellaka athu enniipullella.

Miyambo 11:10

Ddaweetella phaama athu oolungama muzinda onnahakallalla nave oonanara yoonongeya athu ennakhuwa moothapella.

Masalimo 14:5

Yaallathi eneerewoova wunchichi vawi Mulluku anakhalla embali ya oolungama.

2 Epilli 34:31

Vano mwenooyo ahiimella va nipuro naye noomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe mu nibukhunna.

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

1 Epilli 15:24

Allupa mukutho, Shebaniya, Yoshafati, Natanele, Amasai, Zekariya, Benaya ni Eliyezere sika yaphwanella wiipa mapallapata vahoollo va nibokosi na echipangano na Mulluku. Obedi Edomu ni Yehiya alliwa yaarittho alonda a nibokosinno.

1 Epilli 12:40

Naarittho athu oovenyera wuuteete monga o Isakara, o Zebuloni ni o Nafutali yaawaana ddoocha va abulu, va ekamira,* va enama enyuru ni va magaretiiwa. Yahiireya ddoocha ddinchichi, makeke anamukuyu, mpesa wawumma, vinyo ni makhura. Yaawattho ni eng'ombe, enkhosa ddinchichi vawi mwaakhalla ehakallallo mu Israele.

2 Mamwene 23:3

Vano mwenooyo ahiimella va opoto woomwene nave aakeraatthiha echipangano vamiitthoni va Apwiya wi aneerothwara ettilla dda Apwiya nave wi aneerewiiwellella malamulwiiwa ni malangizwiiwa ni murimaaye muttheene navettho ni okumaaye mutthewene nave wi aneereweera mawu a mu echipangano ayo elembiwe munibukhuninna. Sika athu attheene yahaakhullella othwara echipanganweeyo.

2 Mamwene 9:23

Vano Yoramu aarukunuwa mwawaakuva, athawa nave aamukhuwella Ahaziya wi, “We Ahaziya, echiwembu!”

2 Mamwene 9:13

Sika arive muthu aakusa mukanjwaaye awaanddellella vamasitepeni wi Yehu akeraatthivo nave ahoopa nipallapata, allalleya wi, “Yehu sika mwene.”

Oweeruza 7:8

Sika Gideoni ahaarumiha athu attheene owaniwa koma athu 300 yaahalla. Vano athu ootthoolliwaayo yaakusa ddoocha ni mapallapata. Misasa dda Amidiyani ddaari muhito, mutapo.

2 Mamwene 11:14

Awehille, aamoona mwene iimenlle vanttatthani naye moothwara mutetho wa omwene, oohoollella ni athu awiipa mapallapata emwaaphenlle. Athu attheene a mu echigawommo yaanahakallalla yiipaka mapallapata. Sika Ataliya ahaahulla ddoowara ddaye nave mookhuwa ni moosha murima aallota wi, “Owukila! Owukila!”

2 Epilli 23:12

Vano Ataliya iiwalleeye okhuwa wa athu ethamakaka emuhakallallellaka mwenooyo moomuriiha aavollowa mu enyumba ya Apwiya mulle yatthukumanille athu.

2 Epilli 23:14

Vano mullupa mukutho Yehoyada ahaalamula oohoollella a akhoto wi, “Mukhumiheni yoolla m'mizereni mmo mutthattanneenyu. Nave arive muthu anaamuthware mmwiiphe ni nsupada!” Mullupa mukuthooyo aalamula wi, “Muhimwiiphelle mu enyumba ya Apwiya.”

Ezekiele 46:2

Mwene avolloweke oweella mu nikhote namuwari ovenyera vaatte nave iimelle vakhuviru ni opoto a va mullako. Allupa mukutho evelleelle mukutho wooshellelliha ni wa eyaattano. Mwenooyo allapelle va nikhote nave akhume. Koma mullakooyo ehiwuwalle ophiyera misikuwa.