2 Epilli 23:11 - Mawu a Mulluku

¹¹ Sika ahaakhumihella mwaana a mwene, amuwariha enduwira yoomwene, amwinnya nibukhu na malamulo nave amuzoza amuvollochiha omwene. Athu yaamoopella m'mattani ellota mookhuwa wi, “Mwene akhalle ni okumi woorekama.”

2 Epilli 23:11 ပူးပေါင်းရင်းမြစ်များ

1 Samuele 10:24

Vano Samuele ahaakoha wi, “Ethiyo munnamoona muthu oyo Apwiya emutthoonlliiwa? Khaavo mmodda oophwanaphwana ni yoolla variyari vanyu.” Sika athu attheene yaakhuwa wi, “Amwene ekhalle ni okumi woorekama!”

Eksodo 25:16

Munibokosinimmo ahiyemo malluku meelli ayo kinaamuvaheemi elembiwe malamulo a echipangano.

2 Mamwene 11:12

Sika ahaakhumihella mwaana a mwene, amuwariha enduwira yoomwene, amwinnya nibukhu na malamulo nave amuzoza amuvollochiha omwene. Athu yaamoopella m'mattani ellota mookhuwa wi, “Mwene akhalle ni okumi woorekama.”

Yawuupullulla 19:12

Miitthwaaye yaari wonanko mallumi amunllo nave aawara akorona* anchichi omuruni waye. Nnddina naye naalembiwa va olliye nave khaavo adduwenlle ottaphullella wiwa koma yeekhaayeve.

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Yesaya 49:23

Mamwene enaakhalle wonanko attiitthi awuullellani, mamweene aatthiyana enaakhalle wonanko amoowe oowaamwihani. Eneeromoriha ekhove ddiwa ni wuukokhorellani, eneerollanndda nthupi na m'manyalloni mwanyu mwawiiyeviha. Vaavo muneerodduwella wi mi tti Apwiya oyo anakiroromella miyaano khawa awulliwa muru.”

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Yesaya 8:16

Owumake phaama ombonoolla nave waamarelle mawu yaalla variyari va oohudderaaka.

Masalimo 132:18

Adanaaye kineerewaawariha owulliwa muru, koma olliye aneerowarihiwa enduwira yoonyezimella.”

Masalimo 89:39

Mootathilla echipanganwaanyu ni oorumeyellaanyu, moovokhella munthupini enduwiraaye yoomwene.

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Masalimo 78:5

Aakeraatthiha mawu a ombonaaye wa Yakobo, ahaalleella malamulwaaye mu Israele. Ahaalamula makhollwaahu wi yaahuddiheke aniiwa malamulwaalla.

Masalimo 21:3

Munnaphiya wa mwenooyo ni madaliso aphaama wunchichi, munnamuwariha enduwira yoomwene ya golide aphaama va muru vaye.

2 Epilli 22:11

Koma Yehosheba mwaana aamutthiyana a mwene Yehoramu, aari mwaara mullupa mukutho Yehoyada, murokoriye a Ahaziya, aamukusa Yowashi mwaana a Ahaziya. Aamwiiya variyari va anamwani aallopwana a mwene ayo yaari vakhuviru wiiphiwa. Aamuhiya mu echipinda emodda yookona ya mu enyumba ya Apwiya ni oomullellaaye. Sika aamusunga mwaanooyo, omooviha Ataliya wawi khaawiiphiwe.

1 Mamwene 1:39

Zadoki aakusa nnyaka na makhura a olivi ovenyera mu musasa wamutthukumano amuzoza Solomoni. Vatulli viwa yahoopa nipallapata nave athu attheene yaakhuwa wi, “Akhalle ni okumi woorekama Solomoni!”

1 Mamwene 1:34

Wenko mullupa mukutho Zadoki ni namallotella Natani yamuzoze wi akhalle mwene a Israele. Vatulli viwa moope nipallapata ni okhuwa wi, ‘Mwene Solomoni akhalle ni okumi woorekama!’

2 Samuele 16:16

Hushai Mwariki, mukhwaaye a Davide akumanneeye ni Abishalomu, aakhuwa wa Abishalomu wi, “Amwene ekhalle ni okumi munchichi! Amwene ekhalle ni okumi munchichi!”

2 Samuele 5:3

Sika oohoollella attheene a Aisraele yaawa o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele.

2 Samuele 1:10

Sika kaamwatamella nave kaamwiipha vawi kaadduwella wi iikuha aneerokhwa. Vano kaamurulla omuruni echipewa yoomwenaaye owaaka ebangili m'muwononi mwaye. Nave koowaana wa nyuwaano, apwiya.”

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 25:21

Munibokosinimmo ahiyemo malluku meelli oolembiwa malamulo a echipangano ayo kinaamuvaheemi. Vano anikhuneelle nibokosinno ni yookhuneelleeyo.

2 Epilli 23:10

Vano ahaatthattaniha akhoto wi emutetezeke mwene, arive muthu ari ni ezida m'mattani mwaye ovenyera omwera ophiyera ompoto wa enyumba waapheella nikuwa ni enyumba ya Apwiya.

2 Epilli 23:12

Vano Ataliya iiwalleeye okhuwa wa athu ethamakaka emuhakallallellaka mwenooyo moomuriiha aavollowa mu enyumba ya Apwiya mulle yatthukumanille athu.

1 Mamwene 1:25

Vawi ollello vaava oovelleella mukutho wa eng'ombe, asaanaang'ombe ooneneva ni enkhosa ddinchichi. Aawiithana aniinyu attheene, akhoto muullupalli Yowabu ni mullupa mukutho Abiyatara. Nave enimacha ni owirya ni olliye ellotaka wi, ‘Ekhalle ni okumi woorekama amwene Adoniya!’