2 Epilli 22:7 - Mawu a Mulluku

⁷ Ogonjihiwa wa Ahaziya weereyille ni Mulluku vooyaani wa Yoramu. Aphiyallewo, olliye ni Yehoramu yaaya wi yakumane ni Yehu mwaana a Nimishi oyo Apwiya yamutthoollille wi oononge nibanja na Ahabu.

2 Epilli 22:7 ပူးပေါင်းရင်းမြစ်များ

2 Epilli 10:15

Sika mwene khaakhullenlle oveka wa athwaalle vawi Apwiya sika yakhozille khalle wi ddeereye nnddo yallotilliiwa ni Yerobowamu mwaana a Nebati oweella mwa namallotella Ahiya Mushilo.

2 Mamwene 9:21

Yoramu aallota wi, “Khozekani.” Vano athwaayo yaakhoza nigareta naye. Nave Yoramu mwene a o Israele ni Ahaziya mwene a o Yuda yaatimulla arive muthu mu nigareta naye yakumana ni Yehu va emata ya Naboti Muyezireele.

Malaki 4:3

Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Yesaya 46:10

Khalle kaavallallella ollota ddeko nnddo ddihineereye, kahuupullulla khalleve nnddo ddaari ddihinooneye. Kaallota wi, ‘Maganizwaaka khelephela, kineereweera ddoopaalla ddaka ddittheddene.’

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

1 Mamwene 22:20

Apwiya yaakoha wi, “Ethiyo ttaani anaamulleke Ahabu wi iiphiwe o Ramoti Giliyadi?” Mmodda allota ddimodda mmodda ddimodda.

1 Mamwene 19:16

Wamuzoze Yehu mwaana a Nimishi wi akhalle mwene a o Israele. Nave wamuzozettho Elisha mwaana a Shafati a o Abele Mehola wi akhalle namallotella oovollowa munipuroni mwawo.

1 Mamwene 12:15

Sika mwene khaakhullenlle oveka wa athwaalle vawi Apwiya sika yakhozille khalle wi ddeereye nnddo yallotilliiwa ni Yerobowamu mwaana a Nebati oweella mwa namallotella Ahiya Mushilo.

Oweeruza 14:4

Attiitthinnya ni amennyaayo kheyaadduwella wi ddennddo ddaari ddoovenyera wa Apwiya vawi Apwiya yapaalla ephwanye mpata woowanella ni Afilisti. Enthawi yeella Afilisti sika yaalamulella Aisraele.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

2 Mamwene 9:27

Vano Ahaziya mwene a o Yuda oonille ddenndda, aathawella o Betehagani. Koma Yehu aamuthwara allota wi, “Olliyettho muhomeni.” Nave yamuhomelle mu nigareta va mutunda wa Guri, vakhuviru ni Ibleamu. Sika Ahaziya aathawella o Megido, akhwella wenko.

2 Epilli 22:6

Vano Yoramu aahokollowa aya o Yezireele wi yamuchirihe makhwataaye ayo Asiriya yaamuphoreyihalliiwa o Rama mvo awaneeye ni Hazaele mwene a o Siriya. Sika Ahaziya mwaana a Yehoramu, mwene a o Yuda aaya o Yezireele woomuzonda Yoramu mwaana a Ahabu ekaamba yawi aamavoriiwa.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

1 Mamwene 12:24

‘Mi Apwiya kinallota wi muhiwane ni abalaanyu, Aisraele. Arive muthu ahokollweelle owaniwa vawi ddeereyillenndda tti ddoovenyera wa miyaano.’ ” Sika yahiiwellella mawu a Apwiya nave yaahokollweella owaniwa moollikana ni mawu a Apwiya.

2 Mamwene 10:11

Vatulli viwa Yehu aawiipha athu attheene oohalla a nibanja na Ahabu o Yezireele, attekweenaaye attheene, akhwaaye attheene ni allupa mukuthwaaye. Khaamuhiyallevo naari mmodda.

Miyambo 16:9

Muthu annaganizera ettillaaye koma Apwiya ennookollella manyallwaaye.