2 Epilli 21:4 - Mawu a Mulluku

⁴ Yehoramu avollowille omwene ni okeraattheya va mpando woomwene wa attiitthinnya aawiipha asinne attheene ni nsupada ni oohoollella amodda a o Israele.

2 Epilli 21:4 ပူးပေါင်းရင်းမြစ်များ

Oweeruza 9:5

Aaya o enyumba ya attiitthinnya o Ofura, awiiphella asinne attheene 70, anamwani a Yerubaala, vanllukuni nimodda. Koma Yotamu, ethwako ya Yerubaala, aahalla ekaamba yawi ahiipittha.

2 Epilli 22:10

Ataliya amennya a Ahaziya oonille wi mwanaye ookhwa, aatimulla awoononga athu attheene a va nibanja noomwene wa Yuda.

2 Epilli 21:17

Vano alliwa yaallipana ni athu a o Yuda nave yahaakha ddeko ddittheddene dda mwene nnddo yaddiphwanyilliiwa vamoddattho ni anaaye aallopwana ni awariye mwawi khaarivo naari mwaana mmodda aamullopwana ahanlle ohiri Ahaziya ethwakwaaye.

Genesis 4:8

Nllapo nimodda Kaini aamulleella mung'onong'onwaaye Abele wi, “Hanko niye omata” Ephiyalle omata wulle, Kaini aamurukunuwella mung'onong'onwaaye nave aamwiipha.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

2 Epilli 22:8

Vano Yehu eeruzeeye nibanja na Ahabu aakumana ni oohoollella a o Yuda ni anamwani a asinne a Ahaziya ayo yamurumeyella nave aawiipha.

2 Epilli 21:13

koma we othwanre echisanzo ya mamwene a o Israele nave wohaahoollella athu a o Yuda ni Yerusalemu wi ekhalle oohiroromelleya wonanko mmo neeresa nibanja na Ahabu vawaachimwihani athu a o Israele. Navettho woowiipha asinno a nibanja na attiittho ayo yaari aphaama wuukhwaranya.

1 Mamwene 1:12

Sika vano ngawa kuulangize wi ovulluse okumaawo ni wa mwanawo Solomoni.

2 Epilli 25:3

Aakhenlle masiva mattheene oomwene m'mattani mwaye, Amaziya aawiipha allupa muttekwaaye alle yamwiiphalle mwene, ttiitthinnya.