2 Epilli 21:17 - Mawu a Mulluku

¹⁷ Vano alliwa yaallipana ni athu a o Yuda nave yahaakha ddeko ddittheddene dda mwene nnddo yaddiphwanyilliiwa vamoddattho ni anaaye aallopwana ni awariye mwawi khaarivo naari mwaana mmodda aamullopwana ahanlle ohiri Ahaziya ethwakwaaye.

2 Epilli 21:17 ပူးပေါင်းရင်းမြစ်များ

2 Epilli 22:1

Vano athu a mu Yerusalemu yaamuvollochiha omwene Ahaziya ethwako munipuroni mwa mwene attiitthinnya vawi athu yawiille ni Arabu omusasanaalle yaawiipha anamwani aallopwana amodda. Sika Ahaziya mwaana a Yehoramu aakhalla mwene a o Yuda.

2 Epilli 25:23

Vano Yowashi mwene a o Israele aamuphara Amaziya mwene a o Yuda mwaana a Yowashi mwaana a Ahaziya o Beteshemeshi amuyaana o Yerusalemu. Nave Yowashi aakumulla mpanda wa Yerusalemu mamita 200 ovenyera va mullako wa Efuremu ophiyera va mullako wa Vakona.

2 Epilli 22:6

Vano Yoramu aahokollowa aya o Yezireele wi yamuchirihe makhwataaye ayo Asiriya yaamuphoreyihalliiwa o Rama mvo awaneeye ni Hazaele mwene a o Siriya. Sika Ahaziya mwaana a Yehoramu, mwene a o Yuda aaya o Yezireele woomuzonda Yoramu mwaana a Ahabu ekaamba yawi aamavoriiwa.

2 Epilli 24:7

Vawi anamwani a Ataliya mutthiyana oonanaroolle, yahoononga enyumba ya Mulluku yaakha ddeko ddittheddene ddoopatuleya eya yaddiphariha mutteko voomullapellani Baala.

2 Mamwene 10:13

aakumana ni abale a Ahaziya mwene a o Yuda. Ahaakoha wi, “Ethiyo nyu ttaani?” Alliwa yahaakhulla wi, “Hi tti abale a Ahaziya nave noowa wi naarere ni anamwani a mwene Ahabu owaakattho anamwani a mwene aamutthiyana Yezebele.”

Yowele 3:5

Vawi mookaakha silivaaka, golidaaka ni eyuumaaka yoowallamella mutengo muddihiya mu enyumba dda milluku ddanyu.

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.