2 Epilli 21:13 - Mawu a Mulluku

¹³ koma we othwanre echisanzo ya mamwene a o Israele nave wohaahoollella athu a o Yuda ni Yerusalemu wi ekhalle oohiroromelleya wonanko mmo neeresa nibanja na Ahabu vawaachimwihani athu a o Israele. Navettho woowiipha asinno a nibanja na attiittho ayo yaari aphaama wuukhwaranya.

2 Epilli 21:13 ပူးပေါင်းရင်းမြစ်များ

2 Epilli 21:4

Yehoramu avollowille omwene ni okeraattheya va mpando woomwene wa attiitthinnya aawiipha asinne attheene ni nsupada ni oohoollella amodda a o Israele.

2 Epilli 21:11

Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

2 Epilli 21:6

Aheeta mu ettilla ddoonanara dda mamwene a o Israele wonanko mmo neerella nibanja na Ahabu vawi amutthenlle mwaana a Ahabu. Sika aaneera ddoonanara vamiitthoni va Apwiya.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

Habakuku 2:12

Otulli wa oyo anamaka muzinda ni nikhame, anatthipella va ddoonanara.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

1 Mamwene 16:25

Koma Omuri aheera ddoonanara vamiitthoni va Apwiya nave machimwaaye yaakhwaranya a mamwene mattheene akhalle.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Eksodo 34:15

Muhikeraatthiheke echipangano ni athu a ellapo yeeyo kaambiiwa yaachimwaka voollapellani milluku ddiwa ni ovelleella mikutho apaalle ttuuwiithanani wi muchena yoocha ya mikutho ddiwannddo.

2 Epilli 21:14

Vano ekaamba ya ddenndda, Apwiya eneeromoriha mullilli va athwaawo, anaawo ni awariyo nave eneerewoononga ddeko ddawo ddittheddene.

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.