2 Epilli 21:11 - Mawu a Mulluku

¹¹ Aamaka mapuro oollapellamo mafano omiyaangoni o Yuda nave ahaahoollella athu a o Yerusalemu wi ekhalle oohiroromelleya nave ahaahollosa Ayuda ohollowa.

2 Epilli 21:11 ပူးပေါင်းရင်းမြစ်များ

Levitiko 20:5

miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.

1 Mamwene 11:7

Vano Solomoni aamaka nipuro noollapellamo vamwaangoni wookhuma nndduwa wa Yerusalemu, nipuro noomullapellamo Kemoshi, mulluku oonanaresesa a Amowabu ni noomullapellavo Moleki, mulluku oonanaresesa a Aamoni.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Habakuku 2:15

Otulli wa oyo anaawiryiha akhwaaye kapu oowalli, aanaalezeliha wi aawullihe muru.

Daniele 3:15

“Mwaakhullella wi mwiiwa winlla wa nipallapata, echitoliro, zeze, ethangara, gitala wizilo ni wiipa wa mitundumitundu, muneeropopheya erukullu vatthi ni ollapella nifano nagolide nno kiniimenseemi, ddaphaama. Koma mwaahinillapella muneerovokhiwa mu eng'anjo yamunllo. Vano ethiyo tti mulluku oovi anuuvulluseni m'mattani mwaka?”

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Masalimo 106:39

Yahiiripiha ni mitteko ddiwa, ekhalla hule va ddaweera ddiwa.

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

2 Epilli 33:9

Nave Manase ahaahollosa Ayuda ni athu a mu Yerusalemu mwawi yaheera ddoonanara ddinchichi waakhwaranya athu a mitundu ddimodda ayo Apwiya yawiikarihalliiwa Aisraele ehinaphiye.

2 Epilli 21:13

koma we othwanre echisanzo ya mamwene a o Israele nave wohaahoollella athu a o Yuda ni Yerusalemu wi ekhalle oohiroromelleya wonanko mmo neeresa nibanja na Ahabu vawaachimwihani athu a o Israele. Navettho woowiipha asinno a nibanja na attiittho ayo yaari aphaama wuukhwaranya.

2 Mamwene 21:11

“Manase mwene a o Yuda oheera ddoonanara ddinchichi, oochimwa waakhwaranya Aamori ayo yaariwo olliye ahinayariwe nave ohaachimwiha athu a o Yuda ni mafanwaaye.

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

1 Mamwene 14:16

Vano Apwiya eneerewaahiya Aisraele attheene kaambiiwa Yerobowamu ahaachimwiha Aisraele.”

1 Mamwene 14:9

Koma woheera ddoonanara waakhwaranya athu ayo yaarivo khalle weyaano ohinakhallevo. Wookikhoota miyaano nave wookishiha murima vawoopani milluku ddimodda ni mafano amikoko.

2 Epilli 21:10

Sika Aedomu tti oowukila olamulello wa Yuda ophiyera ollello. Vano enthawi yeeyo muzinda wa Libina waawukilattho olamulellwaaye ekaamba yawi olliye ahaahiya Apwiya Mulluku a makhollwaaye.

Eksodo 34:16

Apaalle aniinyu aallopwana ttuuwaatthella atthiyana eelleto. Sika atthiyana yaalla yaachimwaka voollapellani milluku ddiwa, eneerewaakopa aniinyu aallopwana wi ellapelleke milluku ddiwannddo.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Yesaya 65:7

Kineerewaallakattho ekaamba ya machimwiiwa ni machimo a makhollwiiwa. Yahoosa lubani va miyaango nave yaakivevulla va asimiyaango ddiwa. Sika miyaano kineerewaallaka moollikana ni nnddo yeerilliiwa.”

Yeremiya 3:8

Yuda ahoonattho wi Israele oohiroromelleyoolle kaamwallanana nave kaamwiikara ekaamba ya oraruwa waye. Komave Yuda, mwanamunne, khooville. Olliyettho aakhalla oohiroromelleya, aavirellella weera ddoohule.

Ezekiele 23:11

“Vano Oholiba, mung'onong'onwaaye naari oonille ddenndda aallata nave aanararuwa okhwaranya mmo eerella muullupallaaye.

Hoseya 4:15

Naari Aisraele ehiroromelleyaka, athu a o Yuda ehiphwanyeye ni mullatu. Ehiye woollapella o Giligala apaalle o Betaveni. Ehillupellettho vamiitthoni va Apwiya.

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.