2 Epilli 20:6 - Mawu a Mulluku

⁶ nave aallota wi, “Nyu Apwiya Mulluku a makhollwaahu, ethiyo khemuhiyo Mulluku oyo ari oddullu? Ethiyo khemuhiyo nyu munalamulella moomwene mattheene? M'mattani mwanyu mookhalla masiva ni ottekweene, sika wi khaavo muthu anaawore ollipana ni nyu.

2 Epilli 20:6 ပူးပေါင်းရင်းမြစ်များ

Deuteronomo 4:39

Sika vano dduwellani ollello nave muhitiwalleke wi Apwiya sika Mulluku a oddullu ni ellapo yavatthi nave khaavottho mmodda.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.

Mitteko 11:17

Mulluku ahaavaha athu ayo ehiri Ayudaalla emphaso yoophwanaphwana ni elle naakhenlleehu nikhulupililalle mwa Apwiya Yesu Khrisitu. Vano miyaano kaari aani wi kaaweromuhiiha Mulluku!”

Mateyu 6:13

Muhinikuselle woweesiwa, koma munivulluse wa Oonanarooyo.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Masalimo 115:3

Mullukwaahu ari oddullu, anneera erive ello anapaalleeye.

1 Mamwene 8:23

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene.

Yoswa 2:11

Niiwalle ddenndda, attheenehi naatathilla murima nave nahaamba owoovani nyuwaano. Ninnadduwella wi Apwiya Mullukwaanyu tti Mulluku ooddullu ni ellapo yavatthi ettheene.

Masalimo 62:11

Mulluku allotille omodda miyaano kiiwalle ddeko piilli ddawi, masiva tti a Mulluku.

Masalimo 47:2

Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

1 Epilli 29:18

Nyu Apwiya Mulluku a Abrahamu, Isaki ni Yakobo makhollwaahu, keraatthihani wa enthawi yoohimalla maganizo ni makhallello yaalla m'murimani mwa athwaanyu nave ekhalle ni murima woororomelleya wa nyuwaano.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Aroma 9:19

Nave mmodda a nyuwaano ttuullota wa miyaano wi, “Ddaarimi ddiri ddiiddo kaambiiwa tini Mulluku anamwiipelleeye mullatu muthu? Vawi ttaani anaakhoote opaalla wa Mulluku?”

2 Epilli 20:5

Nave Yehoshafati ahiimella variyari va mutthukumano wa Yuda ni Yerusalemu mu nthato nanaanweene na enyumba ya Apwiya

2 Epilli 25:8

Koma mwaaganizaka wi muneerokhalla ni masiva eekhoto, Mulluku aneerewuugonjihani vamiitthoni va adani vawi Mulluku ookhalla ni masiva ookavihera ni oogonjiha.”

Masalimo 54:1

Nyu Mulluku, kivulluseni ni nnddina nanyu, onihani ni masivaanyu wi ngilakwille.

Yesaya 14:27

Vawi Apwiya Amasiva Mattheene sika ekeraatthihalle wi ddenndda ddeereye, ethiyo ttaanittho anaawore waavaanyiha? Nnatta niwa tti noottaphurusa, ethiyo ttaanittho anaawore onihokollosa?

1 Mamwene 8:30

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

2 Epilli 5:14

Nave allupa mukutho kheyaawora orumeyella ekaamba ya murapooyo vawi ntitimiho na Apwiya naaddalla mu enyumba Ya Mulluku.

2 Epilli 6:14

Aavekella wi, “Nyu Apwiya Mulluku a Israele, khaavo Mulluku oophwanaphwana ni nyuwaano, oddullu apaalle va ellapo yavatthi. Munnasunga echipangano ni wooniha echikondi yoohisintheya wa oorumeyellaanyu ayo eneeta vamiitthoni vanyu ni murimiiwa muttheene

Yobu 9:4

Mulluku tti eezeru ni amasiva, khaavo anaallipanena ni opambana.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?