2 Epilli 20:34 - Mawu a Mulluku

³⁴ Vano mitteko ddimodda ddittheddene dda Yehoshafati ovenyera vawaamba ophiyera wookomella wiwa ddaalembiwa mu epilli ya Yehu, mwaana a Hanani, eyo eri mu nibukhu na epilli ya mamwene a o Israele.

2 Epilli 20:34 ပူးပေါင်းရင်းမြစ်များ

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

1 Mamwene 16:1

Mawu a Apwiya yaawa wa namallotella Yehu mwaana a Hanani, oomuhumullulla Baasha wi,

1 Mamwene 16:7

Baasha ahinakhwe mawu a Apwiya yaawa wa namallotella Yehu mwaana a Hanani mwiipa mullatu olliye ni nibanja naye ekaamba ya machimo eerilleeye vamiitthoni va Apwiya, machimo oophwanaphwana ni athu a nibanja na Yerobowamu ayo allikalleeyena osha murima wa Apwiya navettho ekaamba yawi aatthollosa nibanja nittheene na Yerobowamu.

2 Epilli 16:11

Vano ddaweera dda Asa ovenyera vawaamba ophiyera vamakomihero ddoolembiwa mu nibukhu na epilli ya mamwene a o Yuda ni Israele.

2 Epilli 13:22

Vano mitteko ddittheddene dda Abiya, makhallellwaaye ni ddoollota ddaye ddoolembiwa mu epilli ya namallotella Ido.

2 Epilli 12:15

Ethiyo mitteko ddittheddene dda Rehobowamu ovenyera vawaamba ophiyera omamallihello, kheddaalembiwe mu epilli ya Shemaya namallotella ni ya Ido oollohella? Vaakhalla ekhoto yoohimalla variyari va Rehobowamu ni Yerobowamu.

1 Mamwene 16:12

Sika Zimuri aawiipha athu attheene a nibanja na Baasha moollikana ni mmo yallotelle Apwiya oweella mwa namallotella Yehu,

1 Mamwene 22:45

Vano mitteko ddimodda ddittheddene dda Yehoshafati, masiva oonihallaaye navettho mmo awanilleeye ekhoto, ddoolembiwa mu nibukhu na epilli ya mamwene a o Yuda.

1 Mamwene 14:19

Ddittheddene Yerobowamu enreeye, ekhoto awanneeye navettho mmo alamulenlleeye, ddoolembiwa mu nibukhu na epilli ya mamwene a o Israele.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

2 Epilli 25:26

Vano mitteko ddimodda eerille Amaziya ddoolembiwa mu nibukhu na epilli ya mamwene a o Yuda ni a o Israele.