2 Epilli 20:3 - Mawu a Mulluku

³ Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

2 Epilli 20:3 ပူးပေါင်းရင်းမြစ်များ

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

2 Epilli 19:3

Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

Yeremiya 36:9

Va mweeri waneetthanu ni sese wa muyakha waneetthanu wa omwene wa Yehoyakimu mwaana a Yosiya mwene a o Yuda, athu attheene a o Yerusalemu ni attheene yavenyenre o mizinda dda Yuda yahiiwanana dda ohalla ocha wi yaapepese Apwiya.

1 Samuele 7:6

Vano yaatthukumana o Mizipa. Yaarika maaddi enawiithella vatthi mooveka wi Apwiya yaakhululukelle enahalla ocha* nllapo nittheene. Yaanallota wi, “Nohaachimwella Apwiya.” Tti o Mizipa nko Samuele eeruzelleeyewo millatu dda Aisraele.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Yona 1:16

Vawoonani ddoottikhinihandda, aweetiha echombwaalle yaawoova wunchichi Apwiya. Vano yaalonjeza ovelleella moororomelleya ddeko yallupenlliiwa wa Apwiya.

2 Epilli 11:16

Vano ayo yapaalla waarumeyella Apwiya Mulluku a Israele ni murimiiwa muttheene yahaathwara allupa mukutho ni Alevaalle ovenyera o malloko mattheene a Israele oya o Yerusalemu woovelleella mukutho wa Apwiya Mulluku a makhollwiiwa.

Oweeruza 20:26

Vano athu attheene, sika wi mulloko wa athu akhoto muttheene waaya o Betele wi winlle. Yaakeraatthi vamiitthoni va Apwiya, ehalla ocha* nllapo nenno ophiyera misikuwa nave yaavelleella mukutho wooshellelliha ni mukutho wa eyaattano vamiitthoni va Apwiya.

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Amosi 5:4

Apwiya enallota ni a nibanja na Israele wi, “Kaashaasheni wi mukhalle ni okumi.