2 Epilli 20:25 - Mawu a Mulluku

²⁵ Vano Yehoshafati ni athwaaye yaphiyalliiwa wi ekuse ddawaakha yaaphwanya eziweto ddinchichi, katundu, ddoowara navettho ddeko ddoowallamella mutengo. Yaakusa ddeko ddinchichi mwawi ddimodda kheyaaworille odditukhulla. Yahaakha ddekonnddo mallapo mararu kaambiiwa ddahaata.

2 Epilli 20:25 ပူးပေါင်းရင်းမြစ်များ

Numeri 31:15

Mose ahaakoha wi, “Kaambiiwa tini mwaahiyalleenyu ni okumi atthiyana attheene?

Miyambo 3:15

Mutengo wa ezeru tti wookhwaranya malluku oowallamella mutengo. Kheyiivo eyo onaayipaalleewe enaphwanaphwaniiwana.

Masalimo 68:12

“Mamwene a milloko dda akhoto enimathawa, ddawoona enimathawa, vano atthiyana oohalla vaatte ennakawana ddawaakha okhotoni.

Eksodo 3:22

Arive Muisraele aamutthiyana aneeromuveka Muiguputo awaatamanana enyumba apaalle oyo anakhalla ni Muiguputooyo mpa mwaye wi amuvahe ddeko ddawiireerihana ddasiliva ni ddagolide navettho ddoowara. Muneerowawariha ddeko ddenndda aniinyu aallopwana ni aatthiyana. Nave vaweerani ddiidda muneerowaakha Aiguputwaayo ddittheddene.”

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

2 Epilli 20:24

Nave Ayuda ephiyalle va mutunda wa o chipululu yaaweha nko waari athu anchichi nave yahoona mitembo ddiri millumillu vawi khaarivo avulluwalle.

2 Epilli 20:26

Nllapo naneesese, yaatthukumana va ntapo na Beraka nave wenko yahaatitimiha Apwiya. Sika ekaambiiwa nipuronno ninaromolliwa wi Beraka ophiyera ollello.

Numeri 31:53

Arive akhoto aari akusalle ddaye ddaaye dda ddawaakha okhotoni.

Yoswa 11:14

Vano Aisraele yahaakha ddeko ddittheddene ddaphaama dda m'mizindani ddennddo monga eng'ombe eddisunga wi ddikhalle ddayiwa. Koma yaawiipha ni nsupada niwa nawiisha adaniiwa oohimuhiya naari muthu mmodda oovuma.

Zekariya 14:14

Athu a o Yuda eneerowana ekhoto o Yerusalemu. Nave eyuuma ya athu a mitundu ddawaapheella eneeroyitthukumaniha vamodda monga golide ni siliva munchichi owaaka ddoowara ddinchichi.