2 Epilli 20:23 - Mawu a Mulluku

²³ Aamoni ni Amowabu yahaawukila athu a o mwaango wa Seiri nave yahaagonjiha. Vatulli viwa yahaamba wiiphana anayaayove.

2 Epilli 20:23 ပူးပေါင်းရင်းမြစ်များ

1 Samuele 14:20

Saulo ni athu aariiyena yaatthukumana wi eye yawanake ni Afilisti nave yaawoona Afilisti yiiphananaka anayaayove mwawaanganyereya.

Oweeruza 7:22

Akhoto 300 a Agidiyonaalle yiipalle mapallapata, Apwiya yaaweeriha Amidiyanaalle wi ewaneke anayaayove. Attheenaalle yahaapheella miru wawi yawana anayaayove. Akhotwaayo yaathawa yaphiya o Beteshita Zerera, ophiyera omalireni a etawoni ya Abele Mehola vakhuviru ni Tabati.

Yoswa 24:4

Nave Isakooyo kaamuvaha Yakobo ni Esau. Kaamuvaha Esau ellapo yamiyaango ya Seiri wi ekhalle yoohallanaaye koma Yakobo ni anaaye yaakitthella o Iguputo.

Deuteronomo 2:5

Muhaallike vawi nguuvahani ellapwiiweeyo naari voonyingallihavo nnyallo nanyu. Miyaango dda Seiri kaaddivaha wa edduullu dda Esau.

Genesis 14:6

Yaamugonjihattho Ahori omiyaangoni dda Seiri ophiyera o Eliparani va malire a echipululu.

2 Epilli 20:24

Nave Ayuda ephiyalle va mutunda wa o chipululu yaaweha nko waari athu anchichi nave yahoona mitembo ddiri millumillu vawi khaarivo avulluwalle.

2 Epilli 21:8

Va enthawi yeeyo athu a o Edomu yaawukila olamulello wa Yuda nave yahiitthoollella mweniiwa.

Yesaya 19:2

Apwiya enallota wi, “Vano kineeroweeriha Aiguputo wi ewaneke anayaayove. Mmbale anaawaneke ni mbalaaye, muzinda onaawaneke ni muzinda mukhwiiwa navettho omwene onaawaneke ni omwene okhwiiwa.

Ezekiele 38:21

Kineeromuwiihella ekhoto Gogi ovenyera o miyaango ddaka ddittheddene. Mi Apwiya Mulluku koollota. Athu a Gogooyo eneerewiiphanana ni masupada.

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.