2 Epilli 20:22 - Mawu a Mulluku

²² Yaambille wiipa ni ollapella, Apwiya yahaareya musampha Aamoni, Amowabu ni athu a o mwaango wa Seiri ayo yawiille wi ellipane ni Ayuda mwawi yahaagonjiha athu attheene.

2 Epilli 20:22 ပူးပေါင်းရင်းမြစ်များ

Ezekiele 38:21

Kineeromuwiihella ekhoto Gogi ovenyera o miyaango ddaka ddittheddene. Mi Apwiya Mulluku koollota. Athu a Gogooyo eneerewiiphanana ni masupada.

1 Samuele 14:20

Saulo ni athu aariiyena yaatthukumana wi eye yawanake ni Afilisti nave yaawoona Afilisti yiiphananaka anayaayove mwawaanganyereya.

Yesaya 19:2

Apwiya enallota wi, “Vano kineeroweeriha Aiguputo wi ewaneke anayaayove. Mmbale anaawaneke ni mbalaaye, muzinda onaawaneke ni muzinda mukhwiiwa navettho omwene onaawaneke ni omwene okhwiiwa.

2 Mamwene 6:17

Vano Elisha aavekella wi, “Nyu Apwiya, kinuuvekani wi mukhunuulle miitthwaaye, oone.” Sika Apwiya yaakhunuulla miittho a oorumeyellooyo ahoona mwaango oddanlle ni akavalo ni magareta amunllo emwaaphenlle Elisha.

Oweeruza 7:22

Akhoto 300 a Agidiyonaalle yiipalle mapallapata, Apwiya yaaweeriha Amidiyanaalle wi ewaneke anayaayove. Attheenaalle yahaapheella miru wawi yawana anayaayove. Akhotwaayo yaathawa yaphiya o Beteshita Zerera, ophiyera omalireni a etawoni ya Abele Mehola vakhuviru ni Tabati.

2 Epilli 20:10

Vano ngoonani, athu a o Amoni, Mowabu ni mwaango wa Seiri ayo mwahiwaakhullelleenyu Aisraele wi yawanena ekhoto ekhumalle o Iguputo nave yahaahiya ehiwoononga.

2 Epilli 13:13

Vano Yerobowamu ahaarumiha akhotwaaye wi yawane ni akhoto a Ayuda ovenyera muhoollo nave akhoto awiipitthaayo yavenyera mutulli mwiwa.

1 Samuele 14:16

Alonda a Saulo a o Gibea, echigawo ya Benjamini yahoona mulloko wa adanaalle opallalleyellaka nngu ni nngu.

2 Epilli 21:8

Va enthawi yeeyo athu a o Edomu yaawukila olamulello wa Yuda nave yahiitthoollella mweniiwa.

Yoswa 6:16

Waapheella wa otthanu ni opiilli omanlle, allupa mukuthwaalle yiipalle mapallapata, Yoswa ahaalleella athu wi, “Khuwani! Apwiya ahuuvahani muzindoolla.

2 Samuele 22:4

Kinnavekella wa Apwiya, ayo eri oophwanella otitimihiwa vawi ennakivullusa wa adanaaka.”

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

2 Epilli 13:15

Vaavo akhoto a Ayuda yaakhuwa moollipiha nave Apwiya yaamugonjiha Yerobowamu ni Aisraele attheene vamiitthoni va Abiya ni Ayuda.

Masalimo 18:4

Mikwe dda okhwa ddookihuruwella, mihinje ddawoononga ddaakisefukella.