2 Epilli 20:21 - Mawu a Mulluku

²¹ Vano aakohilleeye ezeru athwaayo, ahaatthoolla amodda wi ewiipelleke ni waatitimiha Apwiya mu ottekweeniiwa nave yaaya vahoollo va mulloko wa akhoto ellota wi, “Athokozeni Apwiya, vawi echikondiiwa yoohisintheya tti ya o enthawi yoohimalla.”

2 Epilli 20:21 ပူးပေါင်းရင်းမြစ်များ

Masalimo 107:1

Athokozeni Apwiya kaambiiwa tti aphaama, vawi echikondiiwa yoohisintheya tti ya enthawi yoohimalla.

Masalimo 106:1

Aleluya! Athokozeni Apwiya vawi tti aphaama, echikondiiwa yoohisintheya tti ya enthawi yoohimalla.

2 Epilli 5:13

Nave yaaniipa ni mawu oophwanaphwana voollapellani ni voowaatitimihani Apwiya. Ni misangwa, azeze ni magitala, yaaniipa wi, “Ddawoona, Apwiya tti aphaama, echikondiiwa yoohisintheya tti yoohimalla.” Vaavo enyumba ya Apwiya yaaddalliwa ni murapo.

1 Epilli 16:34

Athokozeni Apwiya vawi tti aphaama, echikondiiwa yoohisintheya tti ya enthawi yoohimalla!

1 Epilli 16:29

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

2 Epilli 7:6

Allupa mukutho yahiimella m'mapuroni mwiwa mvo Alevi yiipiiwa machipo waatitimiha Apwiya voopharihani mutteko ezida ddiwa. Ezidanndda ddapangiwe ni Davide nave ddapharihiwa mutteko vawiipani nchipo na echikondi yoohisintheya ni yoohimalla ya Apwiya. Moowehana ni alliwaayo allupa mukutho yaaniipa mapallapata nave Aisraele attheene yaaniimella.

2 Epilli 7:3

Nave Aisraele attheene yoonille munllooyo okitthaka ni ntitimiho na Apwiya va enyumbeeyo yaawarama epopheya ekhove ddiwa waallapella Apwiya ellota wi, “Ddawoona, Apwiya tti aphaama, echikondiiwa yoohisintheya tti yoohimalla.”

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Masalimo 90:17

Nyu Apwiya Mullukwaahu, muneerelle echifundo, mukeraatthihe nnddo nineereehu, ddawoona, mukeraatthihe mitteko dda mattaahu.

Nehemiya 12:27

Vano voopatulani mpanda wa Yerusalemu yaawiithana Alevi ovenyera orive weko yakhalliiwa wi ewe o Yerusalemu voopatulani mpanda moohakallalla ni moothokoza vawiipani machipo moophariha mutteko ezida monga mapallapata, magitala ni azeze.

1 Epilli 16:41

Athwaayo yaari vamodda ni Hemani ni Yedutuni ni amodda ayo yatthoolliwe mowaaromolla manddina wi yaathokozeke Apwiya vawi echikondiiwa yoohisintheya tti ya o enthawi yoohimalla.

Miyambo 11:14

Varama awookollella athu ennoonongeya koma nko ori alangizi anchichi onnakhalla opambana.

Masalimo 50:2

Apwiya ennawala mu Ziyoni, muzindiiwa wooreeresesa.

2 Epilli 30:21

Vano athu a o Israele ayo yaphiyalle o Yerusalemu yaheera Ehakallallo ya Buledi Oohikhalla ni Yisiti mallapo matthanu ni piilli nave yaahakallalla wunchichi. Nave Alevi ni allupa mukutho yaatitimiha Apwiya nllapo ni nllapo ewiipellaka ni masiviiwa mattheene.

Masalimo 18:4

Mikwe dda okhwa ddookihuruwella, mihinje ddawoononga ddaakisefukella.