2 Epilli 20:17 - Mawu a Mulluku

¹⁷ Khewupaalleyattho owanana ekhoto koma nyu mukhulle moona wiimella m'mapuroni mwanyu. Nave muwoonelleke Apwiya epambanaka ekhoto munipuroni mwanyu, nyu athu a o Yuda ni Yerusalemu.’ Muhoove nave muhitathille murima, osiisello khaweni mwawanena nave Apwiya enorokhalla ni nyu.”

2 Epilli 20:17 ပူးပေါင်းရင်းမြစ်များ

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

2 Epilli 32:8

Olliye ari ni mulloko wakhoto wa omwiillini koma oyo ari ni hi tti Apwiya Mullukwaahu wi anikavihere ni oniwanella ekhoto ddahu.”

Maliro 3:26

Tti waphaama waatiyerella Apwiya moovillella wi yoonihe ovullusa wiwa.

Numeri 14:9

Koma muhiwiinyullulle Apwiya. Muhinawoova athu a mwiillaponimmo vawi nineerewaagonjiha. Muhiwoove vawi alliwa khenna owaaseera nave Apwiya eri ni hiyaano.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Yesaya 30:15

Sika Apwiya Mulluku, Aweella a Israele yaallota wi, “Orukunuwa murima ni ohokollowa ddinaakhalle ovullusa wanyu. Okhurumuwa murima ni ororomelleya sika ddinaakhalle masivaanyu.” Koma mwaakhoota weera ddennddo.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Amosi 5:14

Muhiyevo murima vaweerani yaphaama ohiri yoonanara wi mukhalle ni okumi. Mweera ddiiddo, Apwiya Mulluku Amasiva Mattheene, eneerokhalla ni nyuwaano moollikana ni mmo mullotilleenyu.

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

Yesaya 30:7

Nikavihero na Iguputo tti etthiruve nave khaninna mutteko. Sika ellapweeyo kooyivaha nnddina nawi, ‘Rahabu, ookhulliwa miino.’ ”

Eksodo 14:25

Magudumu a magaretiiwa yaaddalla ni matokwi mwawi magaretaayo yaaneeta mookatamiha. Vano Aiguputwaalle yaallota wi, “Hankoni naathawe Aisraelaalla, ekaamba yawi Apwiya ennaawanella ekhoto, ollipana ni hiyaano.”

2 Epilli 20:16

Osiisello khaweni mwawanena ekhoto. Enaaweelle omwaako wa Zizi nave muneerewaaphwanya wookomella ntapo, wookhuma nndduwa wa echipululu ya Yeruwele.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Deuteronomo 3:22

Muhoove kaambiiwa Apwiya Mullukwaahu sika enaaniwanelle ekhoto.

Oweeruza 7:21

Arive muthu ahiimella vanipuroni vaye moowaapheella misasannddo nave akhoto a m'misasanimmo yahaamba othawa ekhuwaka.

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

2 Epilli 32:7

“Khallani amasiva, llipani murima. Muhoove apaalle otathilla murima vamiitthoni va mwene a o Asiriya ni mulloko wakhoto ariiyena vawi oyo ari ni hi tti muullupalli okhwaranya oyo ari ni olliye.

Yesaya 37:6

aallota wi, “Khaweni mwamulleelle pwiinyu mawu a Apwiya awi, ‘Ohinatathilla murima ekaamba ya mawu oovevulla a oorumeyella a mwene a o Asiriya.