2 Epilli 19:8 - Mawu a Mulluku

⁸ Mu Yerusalemu Yehoshafati ahaatthoolla Alevi ni allupa mukutho ni oohoollella mabanja a Israele wi yeeruzeke mu nnddina na Apwiya ni okamulla millatu dda athu a o Yerusalemu.

2 Epilli 19:8 ပူးပေါင်းရင်းမြစ်များ

1 Epilli 26:29

Ovenyera mwa edduullu dda Izara, Kenaniya ni anaaye sika yakeraatthihiwe wi ehiphareke mitteko mu enyumba ya Apwiya koma ephareke mitteko ddimodda monga, ddoolembella ni ddaweeruza.

1 Epilli 23:4

Nave Davide aallota wi, “Mwa athwaalla 24,000 enaakhalle oowehera mitteko dda mu enyumba ya Apwiya, 6,000 enaakhalle enduna ni aweeruza,

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Deuteronomo 21:5

Allupa mukutho Aalevi eyeewottho wenko ekaamba yawi alliwa sika enaphwanella weeruza millatu ddittheddene dda ohiiwanana ni wiiphanana. Apwiya Mullukwaanyu yohaatthoolla alliwa wi ekhalle oorumeyella navettho wi yaadaliseke athu mu nnddina niwa.

2 Epilli 19:9

Ahaavaha malangizo awi, “Muphareke mitteko ddanyu moowoova Apwiya ni moororomelleya ni murimaanyu muttheene.

2 Epilli 19:11

Nave ngoonani, Amariya mullupa mukutho muullupalli sika anuuhoollellekeni mu ddaweereya ddittheddene dda Apwiya. Nave Zebadiya mwaana a Ishmaele enduna ya Yuda sika anaawehereke ddittheddene dda mwene. Nave Alevi eneerewuurumeyellani monga akapitawo. Mweereke ddenndda moollipa murima nave Apwiya eneerokhalla ni oolungama.”

Masalimo 122:5

Wenko yaahiyawo mipando ddoomwene ddaweeruzella, mipando dda nibanja na Davide.

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.