2 Epilli 19:7 - Mawu a Mulluku

⁷ Vano muwooveke Apwiya. Muganizeke va nnddo muneerekeenyu vawi Apwiya Mullukwaahu tti oolungama nave khenaweha ekhove apaalle waakhella ddamukaphwani.”

2 Epilli 19:7 ပူးပေါင်းရင်းမြစ်များ

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Aroma 2:11

Vawi Mulluku khanaweha ekhove.

Aroma 9:14

Sika vano nillote wi Mulluku khanna echilungamo? Khe ddiiddo.

Akolose 3:25

Nave aweera ddoonanara eneerewaakhella yoonanara eneeriiwa kaambiiwa Mulluku annamweeruza arive muthu moohiweha ekhove.

Mitteko 10:34

Petro ahaamba ollota wi, “Ddawoona, vano kohiiwesesa wi wa Mulluku athu attheene tti oophwanaphwana.

Yobu 34:19

Olliye khanaakondella oolamulella apaalle waariiha eeyuuma okhwaranya oohoowa vawi attheenaayo tti mutteko wa mattaaye.

Eksodo 23:8

Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

Aefeso 6:9

Nave Apwiya nyu, mukhallekena phaama akaporwaanyu nave muhiye owoopopiha. Munnadduwella wi nyuwaano vamodda ni akaporwaanyu mookhalla ni Apwiya amodda oddullu, ayo anamweeruza arive muthu moohiweha ekhove.

Agalatiya 2:6

Amodda a yaayo yooneya wi tti ooholleella, khaya yaari awi ddiidda apaalle iyaayi, miyaano nginnana mutteko vawi Mulluku khanamweeruza muthu moollikana ni mooneyellwaaye. Oohoollella yaayo kheyakivekille wi koonjerere erive ello va othenga kallalleyeemi.

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mika 7:3

Alliwa tti eeruso vaweerani ddoonanara. Enduna ni aweeruza eneetella ddamukaphwani nave oohoollella enaalleella ddoonanara nnddo enapaalliiwa weera. Sika enalakwella nimodda.

Yesaya 33:15

Anaawore weera ddennddo tti yooyove aneera ddoolungama ni ollota ddawoona, oyo ananariwa ni eyuuma yoophwanya mwawoottottha, oyo anattattha mattaaye wi ahaakhelle ddamukaphwani, oyo anatiyella maarwaaye wi ahiiwe mawu awiiwanana ddoowiipha amodda navettho oyo anaminyalla wi ahoone ddoonanara.

Nehemiya 5:15

Koma enduna nnddo ddaarivo miyaano kihinakhallevo ddaanaahoosa athu vawaallivellihani yoocha, vinyo ni makobiri 40 a siliva. Naari owaarumeyelliiwa yaanaahoosattho athu. Koma miyaano ngeerille ddennddo vawi kaanamoova Mulluku.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Genesis 42:18

Viviralle mallapo mararu Yosefe ahaalleella wi, “Vawi miyaano kinnamoova Mulluku, muneerovulluwa vaavove mweera nndda.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

Yobu 8:3

Ethiyo Mulluku annahollosa echiweruzo? Ethiyo Amasiva Mattheene annarukunusa echilungamo?

1 Samuele 11:7

Mwa eng'ombendde aakusavo piilli addiipha, addiphadda enthuli enthuli. Aawinnya oorumiwaalle wi yawoonihelleke athu attheene a mu Israele ni ollota wi, “Saulo ni Samuele erina waatthukumaniha akhoto, waawoni wi mwakhalle nimodda. Oyo ahinaawere ddiiddo eng'ombe ddaye ddoophara mutteko ddineerewiiphiwa ni ophaddiwa enthuli enthuli.” Vano athwaalle yaawoova Apwiya nave attheene yaatimulla wonanko muthu mmodda.

Yobu 13:10

Ddawoona, anerewuuhumullullani, mwaakondellaka mwawiipittha.

Masalimo 82:2

Anallota wi, muneeruzeke moohilungama ni waakondella athu oonanara ophiyera niini?