2 Epilli 19:6 - Mawu a Mulluku

⁶ Nave aallota wa aweeruzaayo wi, “Muganizereke phaama ddaweera ddanyu vawi khemuneeruza mu nnddina na muthu koma na Apwiya nave eri ni nyu mwaaweeruzaka.

2 Epilli 19:6 ပူးပေါင်းရင်းမြစ်များ

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

1 Epilli 28:10

Odduwelle wi Apwiya ahuutthoolla wi waamakelle enyumba yaweella mmo enaakhallekeewamo. Vano ollipe murima nave ophare mutteko.

Yoswa 22:5

Mupwatheke phaama wiiwellella malamulo ni malangizo ayo Mose oorumeyella a Apwiya uuvahilleeyeni, waakonda Apwiya Mullukwaanyu ni weeta mu ettilla ddittheddene ni osunga malamulwiiwa ni waawanddeellella alliwa nave mwaarumeyelleke ni murimaanyu muttheene ni okumaanyu muttheene.”

Mitteko 22:26

Nave akhoto muullupallooyo iiwalleeye ddenndda, aaya wa oolamulelloolle amukoha wi, “Muneereti yeella? Muthu yoollathi tti Muroma!”*

Mitteko 5:35

Nave aallota wa athu attheene a vanthatonimvo wi, “Aisraele akhwaaka, chenjerani wa eyo munapaalleenyu wi muweerelle athwaalla.

Luka 21:8

Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware.