2 Epilli 19:3 - Mawu a Mulluku

³ Komave ddookhallavo ddimodda ddaphaama mweerilleenyu vawi mwahoononga mafano a Asherimu mwiillaponimmu nave munnamullapella Mulluku ni murimaanyu muttheene.”

2 Epilli 19:3 ပူးပေါင်းရင်းမြစ်များ

2 Epilli 12:12

Vano iiyevihalleeye, owalli wa Apwiya khewaamoonongille mwawi ddaanamweetella phaama Yuda.

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

1 Mamwene 14:13

Nave athu attheene a o Israele eneeromwinllella ni omuvittha. Vawi olliye tti yooyove a mu nibanja na Yerobowamu anaavitthiwe m'mahame kaambiiwa Apwiya Mulluku aaphwanyamo yaphaama mwa olliye mu nibanja nittheene na Yerobowamu.

2 Epilli 30:19

oyo ni murimaaye muttheene, anamwaasha Mulluku, Apwiya Mulluku a makhollwaaye naari ahithwanre malamulo a weellihiwa woophwanella enyumba ya Apwiya.”

2 Epilli 12:14

Nave aheera yoonanara vawi murimaaye khewaapaalla owaashaasha Apwiya.

Aroma 7:18

Vawi kinnadduwella wi yaphaama khenakhalla mwa miyaano, muthu. Vawi naari kaapaallaka weera yaphaama, nginawora weera.

Masalimo 57:7

Nyu Mulluku, murimaaka wookeraattheya, murimaaka wookeraattheyesesa. Kineerewiipa nchipo, nchipo nene nawuutitimihani.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

2 Epilli 20:33

Komave mapuro oollapellamo mafano kheyaavenyihallevo, athu yaari ehinavelleelle mirima ddiwa wa Mulluku a makhollwiiwa.

2 Epilli 11:16

Vano ayo yapaalla waarumeyella Apwiya Mulluku a Israele ni murimiiwa muttheene yahaathwara allupa mukutho ni Alevaalle ovenyera o malloko mattheene a Israele oya o Yerusalemu woovelleella mukutho wa Apwiya Mulluku a makhollwiiwa.

2 Epilli 15:12

Nave yaheera echipangano wi yaallapelleke Apwiya Mulluku a makhollwiiwa ni murimiiwa muttheene ni okumiiwa muttheene.

2 Epilli 15:15

Nave Ayuda attheene yaahakallalla ni ollupellanngu vawi yaallupella, yaawaashaasha ni murimiiwa muttheene nave Apwiya yaaphwanyeya. Vano yahaavaha murendelle virive veko.

2 Epilli 22:9

Vatulli viwa aamwaashaasha Ahaziya nave amphwanya iipitthalle mu Samariya. Vano yaamuwaana wa Yehu emwiipha. Yaamuvittha m'mahame mwawi yaallota wi, “Olla tti edduullu ya Yehoshafati olle aarumeyella Apwiya ni murimaaye muttheene.” Vano nibanja na Ahaziya khenaari ni muthu awi ttuukhalla mwene oolamulella.

2 Epilli 27:6

Sika Yotamu aakhalla amasiva ekaamba yawi aaniivelleella ni murimaaye muttheene vamiitthoni va Apwiya Mullukwaaye.