2 Epilli 19:2 - Mawu a Mulluku

² Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

2 Epilli 19:2 ပူးပေါင်းရင်းမြစ်များ

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Aefeso 5:11

Muhiiwananekena ddeko ddoohikhalla ni mutteko ddeko dda mwiipiphini koma muweena vaweella.

2 Epilli 18:3

Ahabu mwene a o Israele aallota wa Yehoshafati mwene a o Yuda wi, “Ethiyo oneerothaanana ni miyaano o Ramoti Giliyadi?” Olliye ahaakhulla wi, “Mi kiri ni nyuwaano nave athwaaka tti aanyu. Hiyaano ninaakhalle ni nyuwaano vakhotoni.”

2 Epilli 32:25

Koma Hezekiya kheerille ddaphaama moollikana ni mmo Apwiya yamweerilliiwa vawi aari ni murima wawiitukhulla. Sika Apwiya yaamushella murima ni athu a o Yuda ni Yerusalemu.

2 Epilli 24:18

Vano yaahiya enyumba ya Apwiya, Mulluku a makhollwiiwa enarumeyella mafano a Asherimu. Sika osha murima wa Apwiya waaphiya va athu a o Yuda ni Yerusalemu ekaamba ya ochimwa wiwa.

2 Epilli 20:34

Vano mitteko ddimodda ddittheddene dda Yehoshafati ovenyera vawaamba ophiyera wookomella wiwa ddaalembiwa mu epilli ya Yehu, mwaana a Hanani, eyo eri mu nibukhu na epilli ya mamwene a o Israele.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

1 Mamwene 16:1

Mawu a Apwiya yaawa wa namallotella Yehu mwaana a Hanani, oomuhumullulla Baasha wi,

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

1 Samuele 9:9

(Khalle o Israele muthu aayaaka wa muthu a Mulluku, wooveka ezeru allota wi, “Tiyeni niye wa oollohella.” Muthu oyo aneeriwa namallotella, khalle yamweera oollohella.)

Aroma 1:30

Ennaallotella akhwiiwa ddoonanara, ennamwiita Mulluku, ollotellana epewe, ennakota ni wiitukhulla. Enaganizera ettilla ddinchichi ddaweerella ddoonanara, khenawiiwellella makhollwiiwa,

Aroma 1:18

Ovenyera oddullu Mulluku ohuupullulla osha murima waye va ddoonanara ni ddoochimwa ddittheddene dda athu. Ddoonanara ddiwannddo ddinneeriha wi yawoona ehooneye.

Yohane 15:23

Oyo anakiita miyaano, annawiitattho Attiitthaaka.

Yohane 15:18

“Athu a ellapo yavatthi yawiitani nyuwaano, upuwellani wi yaakiita miyaano ehinawiiteni nyuwaano.

Masalimo 68:1

Mulluku avenya adanaaye ennapallalleya, attheene enamwiita emmathawa vamiitthoni vaye.

Masalimo 21:8

Aneerewaagonjiha adanaaye attheene, ni nnattanatta naye aneerewaaphara attheene awiitanana.

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

2 Epilli 18:28

Vano mwene Ahabu a o Israele ni mwene Yehoshafati a o Yuda yaaya o Ramoti Giliyadi.

2 Epilli 18:7

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

1 Mamwene 21:25

Khaarivo naari mmodda iikullihalle vaweerani ddoonanara vamiitthoni va Apwiya wonanko Ahabu oyo akopiwe ni mwaariye Yezebele.

1 Mamwene 16:12

Sika Zimuri aawiipha athu attheene a nibanja na Baasha moollikana ni mmo yallotelle Apwiya oweella mwa namallotella Yehu,

1 Mamwene 16:7

Baasha ahinakhwe mawu a Apwiya yaawa wa namallotella Yehu mwaana a Hanani mwiipa mullatu olliye ni nibanja naye ekaamba ya machimo eerilleeye vamiitthoni va Apwiya, machimo oophwanaphwana ni athu a nibanja na Yerobowamu ayo allikalleeyena osha murima wa Apwiya navettho ekaamba yawi aatthollosa nibanja nittheene na Yerobowamu.

Deuteronomo 33:11

Apwiya, kaviherani nlloko niwa wi nikhalle namasiva, nave muhakallallena mitteko ddiwa. Oovaanyihananiiwa ni oollipananiiwa attheene muwoononge wi ehiwe evenyattho.”

Deuteronomo 32:41

wi kineerewaandusa nsupada naka noosherima, nave kineerewoonesesa wi echilungamo yoheereya. Adanaaka kineerewaahokollosella ddoonanara, awiitana ni miyaano kineerewaallaka.

Deuteronomo 7:10

Koma Mulluku aneerewaahokollosella ddoonanara voowoonongani attheene ayo eniitana ni olliye moohikayika.

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Masalimo 71:15

Vayanoni vaka vineerollota ddoolungama ddanyu ni dda ovullusa wanyu nllapo nittheene, vawi nginadduwella waata wene.

2 Epilli 18:1

Yehoshafati aakhalla ni eyuuma yinchichi nave aanavahiwa olemu. Vano yaakeraatthiha mwiiwanano wa okwati ni nibanja na Ahabu.

1 Mamwene 22:44

Emoddattho tti yawi aapangana dda murendelle ni mwene a o Israele.

2 Epilli 19:1

Yehoshafati mwene a o Yuda aahokollweella owaniwa o Yerusalemu mwamurendelle.

2 Epilli 19:10

Vakhalla mullatu wa abalaanyu ayo enakhalla m'mizindani ddiwa, apaalle mullatu wawiipha apaalle woohiiwellella malamulo ni malangizo apaalle ddookamulla ddimodda, mwaalangizeke wi ehichimweke vamiitthoni va Apwiya. Sika Apwiya kheyuushellani murima ni abalaanyu. Mweereke ddiiddo wi muhichimwe.

2 Epilli 26:18

Vano allupa mukuthwaayo yaamuhiyiha mwene Uziya emulleella wi, “Pepaani amwene Uziya, nyuwaano khemunaphwanella woosa lubani wa Apwiya koma allupa mukutho, edduullu dda Aroni ayo epatuliwe wi yooseke lubani. Khumani mu nipuro naweellanna vawi khamuwiiwellelle Apwiya nave kheyuuriihani.”

Amosi 7:14

Amosi aamwaakhulla Amaziya wi, “Mi ngihiyo namallotella naarittho mmodda a m'mulloko wa anamallotella. Mi tti mbusa a enkhosa navettho oollima namukuyu.