2 Epilli 19:11 - Mawu a Mulluku

¹¹ Nave ngoonani, Amariya mullupa mukutho muullupalli sika anuuhoollellekeni mu ddaweereya ddittheddene dda Apwiya. Nave Zebadiya mwaana a Ishmaele enduna ya Yuda sika anaawehereke ddittheddene dda mwene. Nave Alevi eneerewuurumeyellani monga akapitawo. Mweereke ddenndda moollipa murima nave Apwiya eneerokhalla ni oolungama.”

2 Epilli 19:11 ပူးပေါင်းရင်းမြစ်များ

2 Epilli 19:8

Mu Yerusalemu Yehoshafati ahaatthoolla Alevi ni allupa mukutho ni oohoollella mabanja a Israele wi yeeruzeke mu nnddina na Apwiya ni okamulla millatu dda athu a o Yerusalemu.

2 Timoteo 2:1

Nave we mwanaka okhalle oollipa mu echisomo ya Khrisitu Yesu.

1 Akorinto 16:13

Chenjerani, khallani oohitikheya mu echikhulupililo, khallani oohoova nave khallani amasiva.

Mitteko 11:24

Baranaba aari muthu aphaama, oohoollelliwa ni Munepa Waweella ni a echikhulupililo nave athu anchichi yahaanjerereya owa wa Apwiya.

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Oollalleya 2:26

Vallethi muthu aphaama vamiitthoni va Mulluku annamutthattusa oodduwella, eezeru ni oohakallalla. Koma oochimwa annamuvaha mitteko ddawuurulla ni otthukumaniha ddeko vatulli viwa ddittheddenennddo ddinnavahiwa wa muthu oomuhakallalliha Mulluku. Ddittheddenennddo khaddinna mutteko nave oddaashaasha ddenndda tti wiikatamiha.

Miyambo 2:20

Sika othwareke ettilla dda athu aphaama, weeteke mu musewu wa oolungama.

Masalimo 112:5

Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

Masalimo 37:23

Apwiya ennahoollella meetello a muthu oolungama, ennaseera ettilla ddinaaddivella.

2 Epilli 19:6

Nave aallota wa aweeruzaayo wi, “Muganizereke phaama ddaweera ddanyu vawi khemuneeruza mu nnddina na muthu koma na Apwiya nave eri ni nyu mwaaweeruzaka.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

1 Epilli 28:20

Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

1 Epilli 26:30

Ovenyera mwa Ahebroni, Hashabiya ni abalaaye 1,700 athu eezeru yaawehera Aisraele woovollowa nndduwa wa Yordani va mitteko ddittheddene dda Apwiya ni waarumeyella mwene.

1 Epilli 22:19

Sika waashaashekeni Apwiya Mullukwaanyu ni murimaanyu muttheene. Vano venyani mwaambe omaka enyumba ya Apwiya Mulluku wi muhiyemo nibokosi na echipangano na Apwiya ni eziwiya ddittheddene ddaweella ddoopharihiwa mutteko vawaallapellani.”

1 Epilli 22:16

dda golide, siliva, mukuwa ni mukoko. Venya nave waambe ophara mutteko! Apwiya ekhalle ni weyaano.”

1 Epilli 22:11

Davide aavirellella ollota wi, “Vano mwanaka, Apwiya Mullukwaawo akhalle ni weyaano wi okwakhwanihe omaka enyumbiiwa moollikana ni mmo yallotelliiwa.

1 Epilli 6:11

Azariya aamuyara Amariya, Amariya aamuyara Ahitubi,

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yoswa 1:6

Khalla amasiva ni oollipa murima kaambiiwa oneerewaahoollella athu attheenaalla yaawaakhellaka ellapo eyo kallupellelleemi makhollwiiwa.

1 Epilli 26:32

Mwene Davide aamutthoolla Yeriya ni abalaaye, attheene vamodda athu 2,700 akhoto amasiva, oohoollella mabanja wi yaawehereke Arubeni, Agadi navettho hafu a nlloko na Manase mu ddittheddene dda Mulluku ni ddaweereya dda mwene.

2 Epilli 15:7

Koma nyu, llipani murima! Mattaanyu ehifooke vawi muneerothuviwa ekaamba ya muttekwaanyu.

Ezara 7:5

mwaana a Abishuwa, mwaana a Finehasi, mwaana a Eleazara, mwaana a Aroni, mullupa mukutho muullupalli.

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”