2 Epilli 18:9 - Mawu a Mulluku

⁹ Enthawi yeeyo mwene a o Israele ni mwene Yehoshafati a o Yuda yaakeraatthi m'mipandoni ddiwa ddoomwene ewanre ddoowara ddiwa ddoomwene va nipuro noomuuputhellavo tirigu va mullako wa Samariya. Nave anamallotella attheene yaallotella vamiitthoni va mamwenaayo.

2 Epilli 18:9 ပူးပေါင်းရင်းမြစ်များ

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 11:8

Ddaahiri ddiiddo, vano mwayiillewo wi moonewo tini? Muthu oowara ddoowara ddookotana? Iyaayi, athu oowara mwawi ddiidda enakhalla mu enyumba dda mamwene!

Mateyu 6:29

Nave kinimuulleellani nyuwaano wi mwene Solomoni ni eyuumaaye ettheene ariiyena, khaarina ddoowara ddooreera wonanko nimodda na malluwaalla.

Daniele 7:9

Kiwehaka ddiiddo, kahoona mipando ddoomwene dditthattiwaka. Oyo arivo ovenyera khalle aakeraatthi va mpando mmodda. Ddoowara ddaye ddaari ddaweella mbee wonanko nthoche nave meehaaye yaari aweella wonanko obweya weenkhosa. Mpandwaaye waari wonanko wa mallumi amunllo nave magudumwiiwa yaari wonanko mallumi amunllo.

Ezekiele 26:16

Vano mamwene mattheene a o enyanja eneerokittha m'mipandoni ddiwa ddoomwene. Mikanjo ddiwa eneeroddihiya vakhwipi nave eneerorulla ddoowara ddiwa ddoopeta. Eneerokeraatthi vatthi etthukumellaka ekaamba yawoova nave ekaamba ya nnddo enaaddooniiwa enaakhulle owanoni kakalla’

Yesaya 14:9

“We mwene a o Babiloni, ellapo ya ookhwa wuutthukumellella okhozekella okumana ni weyaano waaphiyaka. Yohuuvenyihella minepa dda ookhwa dda oohoollella attheene akhalle a ellapo yavatthi nave ennaweeriha mamwene attheene akhalle ovenya va mipando ddiwa.

2 Epilli 18:29

Mwene a o Israele aamulleella Yehoshafati wi, “Mi kineeroddiipitthiha vooyaani okhotoninko koma we oware ddoowara ddawo ddoomwene.” Sika mwene a o Israele aaddiipitthiha attheenaayo eya okhotoni.

Rute 4:1

Bowazi aaya akeraatthi vatthi vanipuroni nootthukumanellavo vamullakoni va etawoneeyo. Vano aamoona mbalaayembalaaye amwaakaayoolle aphiyaka. Sika Bowazi aamulleella wi, “Mukhwaaka ngahapuwella wuno, okeraatthi mva.” Muthoolle aahapuwa akeraatthi.

2 Epilli 18:8

Vano Ahabu ahiithana emodda mwa enduna ddaye ayilleella wi, “Khawe wamwiithane Mikaya mwaana a Imila awe wuno mwawaakuva.”

2 Epilli 18:10

Vano Zedekiya mwaana a Kenana ahiihanella manyaka amikoko allota wi, “Apwiya enallota wi, ‘Ni ddenndda muneerewaagonjihella Asiriya ophiyera yoonongeyille.’ ”