2 Epilli 18:7 - Mawu a Mulluku

⁷ Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

2 Epilli 18:7 ပူးပေါင်းရင်းမြစ်များ

Mika 2:7

Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

Amosi 5:10

Nyu athu, munniitana ni oohumullulla ddoohilungama, munnananariwa ni oollota ddawoona va nthato namillatu,

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Yesaya 30:10

Ennaalleella oollohella wi, ‘Muhoonettho.’ Ennaalleellattho anamallotella wi, ‘Muhinillotellettho ddawoona koma munilleelle ddooniddivella, munillotelleke ddam'muruni mwanyu.

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

1 Mamwene 18:17

Sika Ahabu amoonilleeye Eliya aallota wi, “We oomuhoosa Israele, ethiyo woophiya?”

Agalatiya 4:16

Ethiyo vano miyaano vawuulleellani yawoona kootthattuwa mudanaanyu?

Yohane 15:24

Kaheerilleke mitteko nnddo mmodda aheerilleeye wa alliwaayo vano kheyaakhalle ni mullatu woochimwana. Koma yahoona nnddo keerilleemi naari yakiitalle miyaano ni Attiitthaaka.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Mariko 6:27

Enthawi yeeyo aamurumiha akhoto amulamulella wi aweena muru wa Yohane. Akhotooyo aaya ondendenko aphadda muru wa Yohane.

Yeremiya 38:4

Vano enduna ddaamulleella mwene wi, “Muthoolla anaphwanella wiiphiwa. Annaatathilliha murima akhoto ni athu attheene oohalla mu muzinda ekaamba ya ddoollota ddaye. Muthu yoolla khanawaashera ddaphaama athu, anapaalla wi yoonongiwe.”

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Miyambo 29:10

Muthu awiipha anniitana ni muthu oohilakwa koma ooreera murima annapwatha okumaaye.

Miyambo 25:12

Wa muthu awaapella maaru, ohumullulla weezeru tti wonanko endolo ya golide apaalle erive ello yawiireerihella ya golide.

Miyambo 9:8

Ohimuhumullulle oovevulla vawi aneerowiita koma omuhumullulleke muthu eezeru aneerewuukonda.

Masalimo 69:14

Kivulluseni wi kihitore m'matokwini, kaakiheni wa adanaaka ni o maaddi oowallamella.

Masalimo 55:3

Kinnakhupanya ekaamba ya okhuwa wa adanaaka, athu oonanara ennakinyingalela, ennakihoosa wunchichi moosha murima.

Masalimo 34:21

Athu oonanara eneerewiiphiwa ni ddoonanara ddiwa, athu awiitana ni oolungama eneerollakiwa.

2 Epilli 18:13

Koma Mikaya aallota wi, “Kinimallupella vamiitthoni va Apwiya wi kinaallote nnddo Mullukwaaka anaakilleelleeye.”

2 Mamwene 9:22

Yoramu amoonille Yehu aamukoha wi, “We Yehu, ethiyo tti ddamurendelle?” Olliye ahaakhulla wi, “Ttuukhallattho ddamurendelle mwawiidde ollapella mafano ni dda okhwiri nnddo yaambille amaayo ddivirillellakave?”

1 Mamwene 19:10

Eliya ahaakhulla wi, “Nyu Apwiya Mulluku Amasiva Mattheene, miyaano kohuurumeyellani nyeeneve enthawi ettheene. Koma Aisraele attheene aatathilla echipangano yaakeraatthihalliiwa ni nyuwaano nave aakumulla makuwaanyu ni owiipha anamallotellaanyu ni nsupada mwawi kihanlle meekha. Vano enaashaashattho okumaaka wi ekiiphe.”

1 Mamwene 18:4

Nave mvo Yezebele awiiphaaye anamallotella a Apwiya, Obadiya aawiipitthiha anamallotella 100, 50 mu nikhungunna nave 50 mu nikhungunna aanaavaha yoocha ni maaddi wenko.

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

2 Epilli 18:6

Koma Yehoshafati aakoha wi, “Ethiyo khaavo namallotella mmodda a Apwiya wi nivekewo ezeru?”

2 Epilli 18:8

Vano Ahabu ahiithana emodda mwa enduna ddaye ayilleella wi, “Khawe wamwiithane Mikaya mwaana a Imila awe wuno mwawaakuva.”