2 Epilli 18:26 - Mawu a Mulluku

²⁶ Mwaalleelle wi mwene anallota wi, ‘Muhiyeni muthoolla mu endende nave mumvaheke ddoocha ni maaddi vang'ono ophiyera kihokollowillewo phaama.’ ”

2 Epilli 18:26 ပူးပေါင်းရင်းမြစ်များ

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

Yawuupullulla 11:10

Athu a va ellapo yavatthi eneerohakallalla ekaamba ya okhwa wa amboni eellaalla. Eneereweera ehakallallo ni orumihellana emphaso kaambiiwa anamallotella eellaayo yaanaahoosa athu a va ellapo yavatthi.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

Mitteko 22:22

Athwaalle yamwiiwelliiwa Paulo, yaamwiiwella ophiyera allotilleeye yeella. Vano yahaamba okhuwa ni mawu oowella wi, “Muthu yoolla khanapaalleya wi akhalle mukumi va ellapo yavatthi! Iiphiwe!”

Mitteko 5:18

Yahaaphara amurummwaayo yaahiya mundende.

Luka 23:2

Wenko yahaamba omuhumullulla wi oochimwa voollotani wi, “Naamphwanya aweerihaka athu a mutundwaahu wi ewukile nave aahiihaka okhoma musonkho wa Kaisara.* Nave aniiromolla yeekha wi tti Mesiya,* mwene.”

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Yesaya 30:20

Naari Apwiya yuuvahilleni yoocha ya ddoohoosa ni maaddi a ddookatamiha koma muhuddihaawo khaddiipitthihattho nave oneeromoona ni miitthwaawo.

Miyambo 14:16

Muthu eezeru annoova nave annahiya ddoonanara koma ookarangeya anniitukhulla nave khanatikheya.

Masalimo 102:9

Miyaano kinnacha ntuura wonanko yoocha, yoowiryaaka ennattakanyihereya ni miitthori

Masalimo 80:5

Mohaachiha miitthori wonanko yoocha, mohaawiryiha miitthori wonanko yoowirya.

Masalimo 10:5

Muthu oonanara ddeko ddaye ddinnamweetella phaama erive enthawi. Khaniiwesesa echiweruzo ya Mulluku, annaanyemulla adanaaye.

2 Epilli 18:15

Koma mwenooyo yaamukoha wi, “Ethiyo kuullupellihe okavi wi okilleelle ddawoona mu nnddina na Apwiya?”

1 Samuele 25:21

Enthawi yeeyo Davide aari allotille wi, “Kirimoona ohoowa vootetezani ddeko ddittheddene dda muthu yoolla nndde ddaari ochipululuni vawi kheyiivo naari ello emodda mwa ddeko ddaye nnddo yarimeelle. Koma olliye akihokolloselle ddoonanara munipuroni mwa ddaphaama.

Deuteronomo 29:19

Moonesese wi vihikhalle mmodda a nyuwaano ollello oyo aniiwa mawu yaalla koma anallota m'murimani mwaye wi ddeko ddineeromweetella phaama naari ari awumma murima oowanddeellella weera ddoopaalla ddaye. Ddakhalla ddiiddo, aphaama ni oonanareene eneerewoonongeya.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

Yeremiya 37:15

Endunanndde ddaamushella murima Yeremiya nave ddaamuukutha, ddimuwallella mu enyumba ya namalembella Yonatani eyo yayitthattunsiiwa endende.

Yeremiya 36:26

Vano mwene aamulamula Yerahamele mwaana a mwene, Seraya mwaana a Aziriele ni Shelemiya mwaana a Abideele wi yamphare namalembella Baruki ni namallotella Yeremiya. Koma Apwiya yaawiipittiha.