2 Epilli 17:3 - Mawu a Mulluku

³ Apwiya yaari ni Yehoshafati ekaamba yawi aakhalla ni makhallello akhalle a attiitthinnya oohaallapella Abaala,

2 Epilli 17:3 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

2 Mamwene 22:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

1 Epilli 22:18

“Ethiyo Apwiya Mullukwaanyu khari ni nyuwaano? Nave khaawuuvahilleni murendelle o embali ddittheddene? Vawi yohaavelleella aneetthi attheene a mwiillaponimmu m'mattani mwaka mwawi ahaagonjella Apwiya ni athwiiwa mwawi yoogonjihiwa vamodda ni athwiiwa.

2 Samuele 5:10

Vano Davide aavirellella okhalla ni masiva manchichi vawi Apwiya Amasiva Mattheene yaari ni olliye.

Oweeruza 6:12

Vano mungelo a Apwiya aamooneyella allota wi, “Apwiya eri ni weyaano, we muthu amasiva ni oollipa murima.”

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Eksodo 3:12

Mulluku aamwaakhulla wi, “Mi kineerokhalla ni weyaano. Echizindikiro yawi kuurumalle tti miyaano tti yawi, waakhumiha athwaaka o Iguputo, muneerokillapella omwaangoni wenngu.”

Genesis 39:21

Koma Apwiya yaakhalla ni Yosefe nave yaamukonda wunchichi vawi yaamweeriha oowehera endende wi ahakallallena Yosefooyo.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

2 Epilli 15:2

nave aakumana ni Asa allota wi, “We Asa, kaapelle maaru, nyu Ayuda ni Abenjamini attheene, Apwiya eri ni nyuwaano enthawi ddittheddene mwaawaaroromellaka. Mwaawaashaashaka muneerewaaphwanya koma mwaahiya eneerewuuhiyani.”

2 Mamwene 18:3

Hezekiya aheera ddoolungama vamiitthoni va Apwiya wonanko eerelle Davide nikhollo naye.

1 Mamwene 11:6

Sika Solomoni aheera ddoonanara vamiitthoni va Apwiya nave khaawaathwanre Apwiya ni murimaaye muttheene wonanko eerelle Davide, attiitthinnya.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

Eksodo 4:12

Vano khawe, miyaano kineerewuukavihera ollotanko nave kineerewuulleella yawi wallote.”

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

2 Mamwene 16:2

Ahazi aari ni miyakha 20 avollowaaye omwene nave aalamulella o Yerusalemu miyakha 16. Olliye kheerille ddoolungama vamiitthoni va Apwiya Mullukwaaye wonanko eerella Davide nikhollo naye.

Oweeruza 8:33

Akhwille Gideoni, Aisraele yahaambattho ollapella milluku dda Baala nave yaamutthattusa Baala a o Beriti akhalla mullukwiiwa.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Oweeruza 2:11

Aisraele yaheera ddoonanara vamiitthoni va Apwiya nave yaanarumeyella milluku dda Baala.

2 Mamwene 14:3

Vano Amaziya aheera ddoolungama vamiitthoni va Apwiya komave ohiri enthawi ddittheddene monga Davide nikhollo naye. Aaneera ddittheddene wonanko Yowashi attiitthinnya.

1 Mamwene 22:43

Yehoshafati aathwara echisanzo yaphaama ya attiitthinnya, khaahiyalle ddennddo. Aaneera echilungamo vamiitthoni va Apwiya. Komave mapuro oollapellamo mafano kheyaavenyihallevo. Athu yaavirellellave ovelleella mikutho ni woosa lubani* va mapuro yaayo.

2 Epilli 17:2

Aahiya milloko dda ekhoto mu mizinda dda mipanda ddittheddene dda Yuda nave aatthipella misasa ddakhoto mu ellapo ya Yuda ni o mizinda dda Efuremu nnddo attiitthinnya yaakhilliiwa.

2 Epilli 17:4

koma amullapella Mulluku a makhollwaaye, aniiwellella malamulwaaye oohithwara mmo Aisraele yakhallelliiwa.

2 Epilli 21:12

Nave aamwaakhella kalata ovenyera wa namallotella Eliya nave aallota wi, “Apwiya Mulluku a Davide nikhollo nawo eni, ‘Khothwarille echisanzo ya Yehoshafati nikhollo nawo apaallettho ya Asa mwene a o Yuda,

1 Samuele 18:5

Vano orive weko Davide arumiwaayewo ni Saulo wi awanewo ekhoto, aanaagonjiha adanaaye. Vawi Saulo aamutthoolla Davide wi akhalle oohoollella akhoto. Yeella yahaahakallalliha athu attheene naari oohoollella ekhoto a Saulo.

1 Samuele 18:12

Saulo aanamoova Davide vawi aadduwella wi Apwiya yaari ni Davide omuhiya olliye.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

1 Mamwene 3:3

Solomoni aanaakonda Apwiya nave aaniiwellella malangizo a attiitthinnya Davide. Komave aanavelleella mikutho ni woosa ddawunkhella omapuroninko.

2 Epilli 20:32

Yehoshafati aathwara echisanzo yaphaama ya attiitthinnya, khaahiyalle ddennddo. Aaneera echilungamo vamiitthoni va Apwiya.

2 Epilli 22:9

Vatulli viwa aamwaashaasha Ahaziya nave amphwanya iipitthalle mu Samariya. Vano yaamuwaana wa Yehu emwiipha. Yaamuvittha m'mahame mwawi yaallota wi, “Olla tti edduullu ya Yehoshafati olle aarumeyella Apwiya ni murimaaye muttheene.” Vano nibanja na Ahaziya khenaari ni muthu awi ttuukhalla mwene oolamulella.

2 Epilli 27:6

Sika Yotamu aakhalla amasiva ekaamba yawi aaniivelleella ni murimaaye muttheene vamiitthoni va Apwiya Mullukwaaye.

2 Epilli 29:2

Nave aheera ddoolungama vamiitthoni va Apwiya wonanko eerelle Davide nikhollo naye.

2 Epilli 34:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

Mateyu 25:16

Mullupa mutteko aakhenlle makobiri matthanoolle aaya eetellana malonda, aapindulavo makobiri matthanu mamodda.