2 Epilli 16:9 - Mawu a Mulluku

⁹ Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

2 Epilli 16:9 ပူးပေါင်းရင်းမြစ်များ

1 Petro 3:12

Miittho a Apwiya eri va oolungama, maarwiiwa ennaapella mavekellwiiwa koma ennaananariwella aweera ddoonanara.”

Miyambo 15:3

Miittho a Apwiya eri virive veko waawehesesa athu oonanara ni aphaama.

Yeremiya 16:17

Miitthwaaka ennoona makhallellwiiwa mattheene oonanara nave tti oohiipittheeya vamiitthoni vaka. Khaniivo naari nichimo nimodda nno kihinanidduwelleemi.

Miyambo 5:21

Vawi ettilla dda muthu ddiri vamiitthoni va Apwiya. Ennoonesesa misewu ddaye.

Masalimo 34:15

Miittho a Apwiya eri va oolungama maarwiiwa ennaapella winlla wiwa.

Yobu 34:21

Miitthwaaye eri va ettilla dda muthu, annawehesesa meetellwaaye mattheene.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Yeremiya 32:19

Ddoolinga ddanyu tti dduullupalli nave mitteko ddanyu tti ddamasiva. Miitthwaanyu ennoona ddaweera ddittheddene dda athu nave munnamullivella arive muthu moollikana ni mitteko ddaye.

2 Epilli 6:20

Weherakani enyumbeella otthaana ni mahiiyu, nipuro nno mwaanithoollilleenyu wi nnddina nanyu nikhalleke mwemmo wi mwiiwe nivekello nno anaavekelle oorumeyellaanyu onipuroni wuno.

Masalimo 113:6

enawaramella vatthi voowehani eddullu ni ellapo yavatthi.

Masalimo 37:37

Ngoona, muthu oohilakwa nave oolungama, amurendelle ookhalla ni edduullu ddinchichi.

Agalatiya 3:1

Agalatiya ookarangeya nyu, nyuwaanothi moollowiwa! Mwaalleelliwa phaamaddene dda otthomeyiwa vamutandani wa Yesu Khrisitu!

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

1 Epilli 21:8

Vano Davide aallota wa Mulluku wi, “Koochimwa wunchichi vaweerani yeella. Sika vano kinimuuvekani wi mukikhululukelle nichimo na mi oorumeyellaanyu vawi koheera ddookarangeya wunchichi.”

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

1 Samuele 13:13

Samuele aamulleella wi, “Moheerathi ddookarangeya, khamuthwarihalle nnddo Apwiya Mullukwaanyu, yuulamulalleniiwa. Mwathwarihalleke, yeerokeraatthiha omwenaanyu wi mwaalamulelle Aisraele enthawi yoohimalla.

1 Mamwene 15:32

Nave Asha ni Baasha mwene a Israele yaanawana mallapo mattheene yaariiwa mamwene.

1 Akorinto 15:36

Muthu ookarangeya we! Wamidda mmiddo, khonamella waahaamba okhwa.

2 Epilli 15:17

Olliye khaavenyihalle mapuro oollapellamo mafano o Israele komave Asa aari oororomelleyesesa mu enthawi ettheene ya okumaaye.

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Yeremiya 5:21

nyu anamwani ookarangeya, oohikhalla ni ezeru, apellani maaru. Miittho mookhallana koma khamunoona nave maaru mookhallana koma khamuniiwa.”

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

Yobu 31:4

Ethiyo Mulluku khanoona ettilla ddaka ni othwara manyallwaaka mattheene?

Masalimo 33:15

Ayo enapanga mirima dda athu attheene, tti yaayo enoona mitteko ddiwa ddittheddene.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Genesis 31:28

Khonapaalla wi killaanyane ni edduullu ddaka ni anaaka. Woheera ddookarangeya.

2 Epilli 15:19

Nave khewaarittho ekhoto ophiyera muyakha wa 35 mu olamulello wa Asa.

2 Epilli 19:9

Ahaavaha malangizo awi, “Muphareke mitteko ddanyu moowoova Apwiya ni moororomelleya ni murimaanyu muttheene.

Ezara 5:5

Koma Mulluku aanaawehera oohoollella a Ayuda sika athwaalla kheyaahiihalle omakattho ophiyera emulembenlle kalata mwene Dariusi nave kalatoolle aakhulliwe.

Yobu 28:24

Vawi annaweha ophiyera wookomella ellapo, annoona ddittheddene dda vatthi va mirapo.

Masalimo 33:14

Nko enakhalliiwa va mpando woomwene, ennawoona athu ookhalla va ellapo yavatthi.

Masalimo 33:18

Apwiya ennaawehera athu oowiiwellella, ootiyera echikondiiwa yoohisintheya,

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.