2 Epilli 16:8 - Mawu a Mulluku

⁸ Ethiyo Akushi ni Alibiya kheyaari akhoto anchichi ookhalla ni magareta ni athu aweetiha akavalo awaata? Koma ekaamba yawi mwaaroromella wa Apwiya, yahaavelleella wa nyuwaano.

2 Epilli 16:8 ပူးပေါင်းရင်းမြစ်များ

2 Epilli 12:3

Shishaki aawa ni magareta akhoto 1,200 ni athu aweetiha akavalo 60,000. Nave athwaaye yaari ooheerengeya ayo awiilleeyena ovenyera o Iguputo, Libiya, Sukimu ni Kushi.

2 Epilli 16:7

Enthawi yeeyo namallotella Hanani aawa wa Asa mwene a o Yuda amulleella wi, “Ekaamba yawi mwaroromelle va mwene a o Siriya, ahaaroromella Apwiya Mullukwaanyu, mulloko wa ekhoto wa mwene a o Siriya wohuuthawellani.

2 Epilli 13:16

Aisraele yahaathawa Ayuda koma Mulluku ahaavelleella m'mattani mwiwa.

2 Epilli 13:18

Sika Aisraele yaagonjihiwa enthawi yeeyo nave Ayuda yaapambana kaambiiwa yahaaroromella Apwiya Mulluku a makhollwiiwa.

2 Epilli 24:24

Naari mulloko wakhoto wa Asiriya wawiille ni athu ooyeva, Apwiya yaavelleella mulloko wakhoto muullupalli ekaamba yahaahiya Apwiya Mulluku a makhollwiiwa. Mmu sika Asiriya yamullakelliiwa Yowashi.

Yesaya 18:2

Ovenyera o ellapweeyo enaaruma amithenga va muhinje wa Nailo ewenlle ekallawa ddamabungwa. Vano muyeewo nyu amithenga awaakuva wa mutundu wa athu oorekama ni awoollowa mwiilli nave awooviwa ni athu avakhuviru ni awoorekama, mutundu wamasiva ni woogonjiha mitundu ddimodda, athu ayo ellapwiiwa tti yookawaneya ni mihinje.

Nahumu 3:9

Muzinda oyo walamulella Kushi ni Iguputo, masiviiwa kheyaari ni malire, Aputi ni Alibiya yaaniiwananana.

2 Epilli 14:8

Mwene Asa aakhalla ni akhoto 300,000 ovenyera o Yuda ookhalla ni ddawiitetezellana ni mavaka nave athu 280,000 oovenyera o Benjamini ayo yaari ni ddawiitetezellana ni miira. Attheenaalla yaari akhoto amasiva.