2 Epilli 16:3 - Mawu a Mulluku

³ “Vikhalle mwiiwanano variyari va miyaano ni weyaano wonanko mmo attiittho ni attiitthaaka yiiwananelliiwa. Ngoona, kohuurumihella emphaso ddasiliva ni ddagolide. Oye wamallihe mwiiwananwaawo ni Baasha, mwene a o Israele, wi aavenyihemo akhotwaaye mu echigawaaka.”

2 Epilli 16:3 ပူးပေါင်းရင်းမြစ်များ

Masalimo 15:4

Tti oyo anamunyaambusa ookhootiwa ni Mulluku, oyo anaariiha athu oowoova Apwiya. Tti oyo eneera nnddo allupenlleeye, naari ddiri ddoovoreya mwawiidde.

2 Timoteo 3:3

Enaakhalle oohikonda, oohikhululukella, awoonjerera miyaha dda akhwiiwa, oohivillella, oowalli ni awiitana ni ddaphaama.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

2 Epilli 19:2

Koma Yehu mwaana a oollohella Hanani aakhuma wi akumanena nave aamukoha mwene Yehoshafati wi, “Ethiyo tti woopaalleya waakavihera athu oochimwa ni waakonda ayo enawiita Apwiya? Ekaamba ya yeella osha murima wa Apwiya wohuumorellani.

2 Epilli 18:3

Ahabu mwene a o Israele aallota wa Yehoshafati mwene a o Yuda wi, “Ethiyo oneerothaanana ni miyaano o Ramoti Giliyadi?” Olliye ahaakhulla wi, “Mi kiri ni nyuwaano nave athwaaka tti aanyu. Hiyaano ninaakhalle ni nyuwaano vakhotoni.”

2 Samuele 21:2

Sika mwenooyo aawiithana Agibiyonaayo. Agibiyonaayo kheyaari Aisraele koma Aamori oohalla. Naari Aisraele yallupenlle wi khewiipha Agibiyonaayo koma Saulo aapaallave waatthollosa Agibiyonaayo ekaamba yawaakonda Aisraele ni Ayudaayo.

Oweeruza 2:2

Vano nyuwaano muhinapangana ni athu ookhalla mwiillaponimmu. Mukumulle makuwiiwa mattheene.’ Koma nyuwaano khamwiiwellelle lamulo naka. Ella mweerilleenyu tti tini?

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

1 Mamwene 15:16

Asa a o Yuda ni Baasha a o Israele yaanawana enthawi ettheene yaariiwa mamwene.

2 Epilli 16:2

Vano Asa aamukusa siliva ni golide oyo ahanlle moosungellamo eyuuma mu enyumba ya Apwiya ni mu enyumba yoomwene addirumiha wa Benihadadi, mwene a o Siriya oyo akhalla o Damasiko nave aallota wi,

2 Epilli 16:4

Mwene Benihadadi ahaakhullella ddallotiwe ni Asa. Sika ahaaruma oolamulella ekhoto ni akhotwiiwa wi yawane ekhoto mu mizinda dda o Israele. Nave yaagonjiha mizinda dda Iyoni, Dani, Abele Maimu ni mizinda ddittheddene dda o Nafutali ddoosungellamo katundu.