2 Epilli 16:14 - Mawu a Mulluku

¹⁴ Yamuvitthalle m'mahame ayo iisemelleeye mu muzinda wa Davide. Mutembwaaye yawukonaatthihalle mu nibokosi mmo mwaari ddawunkhella ddoohiyanahiyana nnddo ddapangiwe ni athu eeruso. Vano yaaviddeella munllo wawoopiha omuvaha olemu.

2 Epilli 16:14 ပူးပေါင်းရင်းမြစ်များ

2 Epilli 21:19

Vimanlle miyakha miilli, marupwaaye yaakhumella otte ekaamba ya ereteeyo nave aakhwa moohikhalla phaama. Athwaaye kheyaakharihalle munllo woomuvaha olemu wonanko yeerelliiwa ni makhollwaaye yakhwa.

Genesis 50:2

Nave Yosefe aalamula wi mutembo wa attiitthinnya opotokosiwe wi ohunte nave alliwaayo yaheera ddenndda.

Yeremiya 34:5

koma onaakhwe mwamurendelle. Nave valle athu yooseewavo lubani* voovitthani maliro a makhollwaawo akhalle ayo yaari mamwene weyaano ohinavollowe omwene, vano weyaanottho voovitthani malirwaawo eneerowoosattho lubani. Voowiipellani nchipo namaliro eneereke wi, ‘Ddeethakaraka! Apwiihu aakhwa!’ Mi Apwiya koollota.”

Mariko 16:1

Niviralle nllapo na Sabata, Mariya Magadalena ni Mariya, amennya a Yakobo navettho Salome yaakulla makhura a nthuko naphaama wi yazoze mutembo wa Yesu.

Yesaya 22:16

“Ethiyo eneerawo tini wuno? Ollipalle murima mwawiidde va wiikatella mahame wuno wiikatella mahame vamwaangoni ni wiisemella moovumellamo m'mallukuni?

Oollalleya 10:1

Engwillihi ddookhwa ddinnawiiha nthuko noonanara mu makhura awunkhella phaama emoddamoddave yeeyo okarangeya vang'ono onnoononga ezeru ni olemu.

2 Epilli 35:24

Sika allupa muttekwaaye yaamutukhulla mu nigareta naye emuhiya mu nigareta nimodda yaayaana o Yerusalemu. Nave aakhwa avitthiwa mu mahame a makhollwaaye. Vano athu attheene a o Yuda ni Yerusalemu yaamwinllella Yosiya.

Genesis 50:5

‘Attiitthaaka eri vakhuviru okhwa, yaakillupelliha wi kaavitthe mu mahame ayo yiikatenlliiwa weekhiiwa mu ellapo ya Kanani. Sika kinimuuvekani wi mukaakhullelle wi kaavitthe attiitthaaka, vatulli viwa kineerohokollowattho.’ ”

1 Samuele 31:12

allopwana attheene oollipa murima yaatimulla yeeta ni mahiiyu yavenyihavo mutembo wa Saulo ni mitembo dda anaaye vasirini ya Betesheani. Ewiillena mitembonnddo o Yabeshi, yaaddihella munllo.

2 Epilli 16:13

Sika Asa aakhwa muyakha wa 41 wa olamulellwaaye nave aavitthiwa ni makhollwaaye.

2 Samuele 2:32

Vano yaakusa mutembo wa Asahele yawuvittha mu mahame a attiitthinnya ayo yaari o Betelehemu. Yowabu ni athwaaye yaheeta mahiiyu mattheene nave wasiiwa yaari ephiyalle o Hebroni.

2 Epilli 32:33

Vano Hezekiya aakhwa nave yaamuvittha omwaako wa mahameni a edduullu dda Davide. Nave athu attheene a o Yuda ni Yerusalemu yaamuvaha olemu va malirwaaye. Vano Manase mwanaye aavollowa omwene munipuroni mwaye.