2 Epilli 15:6 - Mawu a Mulluku

⁶ Athwaayo yaakawaneya, mutundu mmodda waawukilana ni mmodda nave muzinda mmodda ni mmodda vawi Mulluku ahaahoosa moohiyanahiyana.

2 Epilli 15:6 ပူးပေါင်းရင်းမြစ်များ

Mariko 13:8

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla echivomerezi virive veko owaaka ettalla. Ddeko ddittheddenenndda ddinaakhalle wonanko ddoovoreya ddawaamba mwaana aayariwaka.

Mateyu 24:7

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla ettalla ni echivomerezi virive veko.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Yesaya 10:6

Kinamuruma wa mutundu woohipwatha dda Mulluku nave kinamulamula wi aye wa athu ayo kaananariwelleemi wi atthukumanihe ni waakha eyuumiiwa ettheene ni waanyingallella wonanko matokwi a m'musewuni.”

Masalimo 106:41

Yahaavelleella wa mitundu ddimodda dda athu, wawi ayo yiitananiiwa tti yaayo yaalamulella.

2 Epilli 36:17

Sika ekaambiiwa Apwiya yamweerihalliiwa mwene a Ababiloni wi aahelle ekhoto ayo yawiiphalle asombwiiwa ni anamwalliiwa ni masupada naari mu enyumbiiwa. Kheyaamweerellettho echifundo arive muthu, muullupalli apaalle mung'onong'ono koma yahaavelleella attheene wa mwene a o Babiloni.

2 Epilli 33:11

Sika ekaambiiwa Apwiya yaarumalliiwa oohoollella akhoto a mwene a o Asiriya ayo yamphanre Manase emukola mphunani, emmaka ni onyolo, emuyaana o Babiloni.

2 Epilli 13:17

Abiya ni athwaaye yahaagonjiha Aisraelaayo ewiipha akhoto amasiva 500,000.

2 Epilli 12:15

Ethiyo mitteko ddittheddene dda Rehobowamu ovenyera vawaamba ophiyera omamallihello, kheddaalembiwe mu epilli ya Shemaya namallotella ni ya Ido oollohella? Vaakhalla ekhoto yoohimalla variyari va Rehobowamu ni Yerobowamu.

Oweeruza 2:14

Sika Apwiya yahaashella murima Aisraelaayo nave yahaavelleella m'mattani mwa athu awaakha ddeko ayo yawaakhille ddeko ddiwa. Nave Apwiya yaawaakhullella adaniiwa ayo yawaaphenlle wi yaagonjihe. Vano kheyaawonre waagonjiha adaniiwa.

Yeremiya 25:32

Apwiya Amasiva Mattheene enallota wi, “Ngoonani vawi otulli wavenya va mutundu mmodda onaamorelleke va mutundu mmoddattho nave wookomella ellapo yavatthi oneerovenyera ephevo yawoopiha.”

Yesaya 19:2

Apwiya enallota wi, “Vano kineeroweeriha Aiguputo wi ewaneke anayaayove. Mmbale anaawaneke ni mbalaaye, muzinda onaawaneke ni muzinda mukhwiiwa navettho omwene onaawaneke ni omwene okhwiiwa.

Hagai 2:22

Kineeromalliha moomwene mattheene ni woononga masiva a mitundu dda athu ddittheddene. Kineerophikirisa magareta ni oowellavweene. Akavalo eneerokhwa nave oowellavo eneerewiiphanana.