2 Epilli 15:3 - Mawu a Mulluku

³ Vawi wa enthawi yoorekama Aisraele kheyaarina Mulluku awoona nave kheyaarina mullupa mukutho owaahuddiha navettho kheyaarina malamulo,

2 Epilli 15:3 ပူးပေါင်းရင်းမြစ်များ

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

Levitiko 10:11

Mwaahuddiheke Aisraele malamulo mattheene ayo kaavelleellilleemi oweella mwa Mose.”

Malaki 2:7

“Vawi tti mutteko wa mullupa mukutho osunga ehuddiho yawoona nave athu yaasheke malangizo ovenyera wa olliye vawi olliye sika amithenga a Apwiya Amasiva Mattheene.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Hoseya 3:4

Vawi Aisraele eneerokhalla mallapo manchichi ehinna mamwene apaalle enduna, oohivelleella mikutho apaalle wiimesa apoto oopatuleya, oohikhalla ni milluku dda mpa apaalle efodi.*

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Aroma 2:12

Athu ayo ehiri Ayuda khenna malamulo a Mose yaachimwaka nave eneerewoonongiwa naari ehinna malamulwaayo. Ayuda aakhalla ni malamulo yaalla yaachimwaka nave eneeruziwe ni malamulo yaayo.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

1 Akorinto 9:21

Emoddamoddave yeeyo, kaapharaka mutteko ni athu oohilamuliwa ni malamulo a Mose kinakhalla wonanko muthu oohilamuliwa ni malamulo a Mose wi kaakope athu ayo ehiri Ayuda. Ella khenattaphullella wi nginathwara malamulo a Mulluku koma kinathwara malamulo a Khrisitu.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Levitiko 10:8

Vano Apwiya yaallota ni Aroni wi,

2 Epilli 17:7

Muyakha waneeraru wa omwenaaye aaruma enduna ddaye, Benihali, Obadiya, Zekariya, Netanele ni Mikaya wi yahuddihe o mizinda dda Yuda.

Amosi 8:11

Apwiya Mulluku enallota wi, “Enthawi enimawa mvo kinaarumiheemi ettalla mwiillaponimmo. Khekhalla ettalla yoorama buledi apaalle nthona koma ettalla yoorama mawu a Apwiya.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.